શેરબજારમાં જોરદાર રિકવરી: સેન્સેક્સ 84,000ને પાર, નિફ્ટીમાં પણ ઉછાળો

શેરબજારમાં જોરદાર રિકવરી: સેન્સેક્સ 84,000ને પાર, નિફ્ટીમાં પણ ઉછાળો

ભારતીય શેરબજારમાં આજે જોવા મળેલો આ ઉછાળો રોકાણકારો માટે રાહતના સમાચાર લઈને આવ્યો છે. છેલ્લાં બે સપ્તાહની અનિશ્ચિતતા અને વોલેટિલિટી બાદ આજે બજારમાં મજબૂત રિકવરી જોવા મળી રહી છે.

BSE સેન્સેક્સ 84,000ની સપાટી વટાવીને આશરે 84,100 ની આસપાસ ટ્રેડ કરી રહ્યો છે. નિફ્ટી 50 200થી વધુ પોઈન્ટના ઉછાળા સાથે 25,800 ની ઉપર મજબૂતી જાળવી રાખી છે.

તેજી પાછળના મુખ્ય કારણો

ઈન્ફોસિસ (Infosys) દ્વારા નાણાકીય વર્ષ 2026 માટેના સારા પરિણામો અને રેવન્યુ ગાઈડન્સમાં વધારો કરવાને કારણે આખા IT સેક્ટરમાં તેજી જોવા મળી છે. HDFC બેંક અને કોટક મહિન્દ્રા બેંક જેવા હેવીવેઇટ શેરોમાં ખરીદી નીકળતા ઈન્ડેક્સને ટેકો મળ્યો છે.  અમેરિકી બજારમાં જોવા મળેલી તેજી અને ભારત-અમેરિકા વચ્ચેના વેપાર કરાર (Trade Deal) અંગેની સકારાત્મક ચર્ચાઓએ બજારમાં નવી આશા જગાડી છે.

કોમોડિટી માર્કેટમાં હલચલ

વૈશ્વિક સ્તરે ડૉલરની મજબૂતી અને પ્રોફિટ બુકિંગને કારણે સોનાના ભાવમાં ઘટાડો નોંધાયો છે. ઔદ્યોગિક માંગ અને સ્થાનિક ખરીદીને કારણે ચાંદીમાં તેજીનો માહોલ છે.