સાયકલિંગ અને સાહસથી ભરપૂર ગુજરાતી ફિલ્મ "ગેટ સેટ ગો" ટૂંક સમયમાં રીલિઝ થશે

સાયકલિંગ અને સાહસથી ભરપૂર ગુજરાતી ફિલ્મ "ગેટ સેટ ગો" ટૂંક સમયમાં રીલિઝ થશે

ગુજરાતી ફિલ્મ જગતમાં વધુ એક રોમાંચક ફિલ્મ, "ગેટ સેટ ગો" દર્શકોનું મનોરંજન કરવા તૈયાર છે. આ ફિલ્મમાં સાયકલિંગ અને ભાવનાઓનો અનોખો સમન્વય જોવા મળશે, જે સાહસ અને ન્યાય માટેની લડતની કહાણી રજૂ કરશે.

"તીખી મીઠી લાઈફ" અને "પૂરી પાણી" ના મેકર્સની નવી રજૂઆત

"તીખી મીઠી લાઈફ" અને "પૂરી પાણી" જેવી લોકપ્રિય વેબ સીરિઝ અને "ભગવાન બચાવે" ફિલ્મના મેકર્સ વાલમીકિ પિક્ચર્સ જલિયાન ગ્રૂપ સાથે મળીને આ સાયકલિંગ રેસ પર આધારિત અનોખી ગુજરાતી ફિલ્મ લઈને આવી રહ્યા છે. આ ફિલ્મ ગુજરાતી સિનેમાને એક નવો, સાહસથી ભરપૂર વળાંક આપશે.

ગુજરાતી અને બોલિવૂડના જાણીતા કલાકારોનો જમાવડો

"ગેટ સેટ ગો" માં દીપક તિજોરી, ભૌમિક સંપત, જીનલ બેલાણી, રૌનક કામદાર, સંવેદના સુવાલ્કા, ઓમ ભટ્ટ, શરદ શર્મા, ભવ્ય ગાંધી, ધર્મેન્દ્ર ગોહિલ, મુનિ ઝા, ભાવિની જાની, મોરલી પટેલ, પ્રેમલ યાજ્ઞિક જેવા અવ્વલ કક્ષાના કલાકારોનો વિશાળ કાફલો જોવા મળશે. આ કલાકારોની હાજરી ફિલ્મની ગુણવત્તામાં વધારો કરશે.

સાયકલ સ્ટન્ટ્સ અને આત્મવિશ્વાસની ગાથા

ફિલ્મની શરૂઆત પ્રસંગે દીપક તિજોરી, ભૌમિક સંપત, જીનલ બેલાણી, રૌનક કામદાર, સંવેદના સુવાલ્કા, ઓમ ભટ્ટ, શરદ શર્મા સહિતના કલાકારો ઉપસ્થિત રહ્યા હતા. આ પ્રસંગે કલાકારોએ ફિલ્મના મુખ્ય થીમ એવા સાયકલ સ્ટન્ટ્સ પણ દર્શાવ્યા હતા, જે દર્શકોમાં ફિલ્મ પ્રત્યે ઉત્સુકતા જગાવશે.

જાણીતા કલાકાર દીપક તિજોરી એ જણાવ્યું હતું કે, ફિલ્મ 'ગેટ સેટ ગો' માત્ર રેસ કે સાઇકલિંગની વાત નથી, પરંતુ તે આત્મવિશ્વાસ, સાહસ અને ન્યાય માટેની લડતની એક ઊર્જાસભર સફર છે, જે લોકોના દિલ સુધી પહોંચશે. આ ફિલ્મ આગામી દિવસોમાં રીલિઝ થવાની અપેક્ષા છે.