અમદાવાદના નવનિયુક્ત પોલીસ કમિશનર તરીકે સંજય શ્રીવાસ્તવે પદભાર સંભાળ્યો

અમદાવાદ શહેર પોલીસના અધિકારીઓ, ક્રાઈમ બ્રાન્ચ, તેમજ CID બ્રાન્ચના અધિકારીઓ ઉપસ્થિત રહ્યા

આજે રક્ષાબંધનના પવિત્ર દિવસે અમદાવાદ શહેરના નવનિયુક્ત પોલીસ કમિશનર તરીકે , સંજય શ્રીવાસ્તવે પદભાર સંભાળ્યો હતો. આ પ્રસંગે અમદાવાદ પોલીસ કમિશનર કચેરી ખાતે , તેમને પોલીસ બેન્ડની સલામી આપવામાં આવી હતી. આ ખાસ પળે અમદાવાદ શહેર પોલીસના અધિકારીઓ, ક્રાઈમ બ્રાન્ચ, તેમજ CID બ્રાન્ચના અધિકારીઓ ઉપસ્થિત રહ્યા હતા. મહત્વપૂર્ણ છે કે, નવનિયુક્ત પોલીસ કમિશનર સંજય શ્રીવાસ્તવ , અગાઉ અમદાવાદમાં પોલીસ હેડક્વાર્ટર તેમજ વહીવટી શાખામાં સંયુક્ત પોલીસ કમિશનર તરીકે , ફરજ બજાવી ચૂક્યા છે, આ ઉપરાંત તેમણે અમદાવાદના જુદા-જુદા ઝોનમાં DCP તરીકે પણ ફરજ બજાવી છે. તેઓ વર્ષ 1987ની બેચના IPS અધિકારી છે. તાજેતરમાં જ સરકારે સંજય શ્રીવાસ્તવને,DGP તરીકેનું પ્રમોશન પણ આપ્યું હતું