અમદાવાદ: અમદાવાદ યુનિવર્સિટી ખાતે ઇન્ટરનેશનલ સેન્ટર ફોર સ્પેસ એન્ડ કોસ્મોલોજી થશે કાર્યરત

અમદાવાદમાં આવેલી અમદાવાદ યુનિવર્સિટી ખાતે ઇન્ટરનેશનલ સેન્ટર ફોર સ્પેસ એન્ડ કોસ્મોલોજી કાર્યરત થશે. અમદાવાદ યુનિવર્સિટીના વાઇસ ચાન્સેલર પ્રોફેસર પંકજ ચંદ્રાએ આ જાહેરાત કરતાં જણાવ્યું હતું કે, સ્પેસ એસ્ટ્રો ફિઝિક્સ અને કોસ્મોલોજીના ક્ષેત્રોમાં સ્ટેટ ઓફ ધ આર્ટ રિસર્ચ માટેની આ એક પહેલ છે. તેનો હેતુ આ ક્ષેત્રોમાં બનતી મહત્વની ઘટનાઓથી સામાન્ય નાગરિકોને માહિતગાર કરવાનો છે. 

અમદાવાદ યુનિવર્સિટી ખાતે ઇન્ટરનેશનલ સેન્ટર ફોર સ્પેસ એન્ડ કોસ્મોલોજી સેન્ટર સ્પેસ અને કોસ્મોલોજીમાં કારકીર્દી ઘડવા માટે યુવા વિદ્યાર્થીઓને પ્રોત્સાહિત કરશે. આ સેન્ટર સંબંધિત હિત ધરાવતી રાષ્ટ્રીય અને આંતરરાષ્ટ્રીય સંસ્થાઓના સહયોગથી કામ કરશે. આ સેન્ટર અન્ય રિસર્ચ, કલ્ટરર્સ સાથે મળીને કાર્ય કરશે.તેમાં ફેકલ્ટી અને વિદ્યાર્થીઓ સંશોધન હાથ ધરશે તથા આંતરરાષ્ટ્રીય ફલક પર નવું યોગદાન આપશે. આ સેન્ટર દ્વારા વિવિધ વર્કશોપ અને કોન્ફરન્સનું આયોજન પણ કરવામાં આવશે.