ઉપરાષ્ટ્રપતિ જગદીપ ધનખડ ગાંધીનગરમાં ગ્લોબલ પ્રોફેશનલ એકાઉન્ટન્ટ્સ કન્વેન્શનનું ઉદઘાટન કરશે

25થી વધુ દેશોના 4,000થી વધુ પ્રતિનિધિઓ ભાગ લેશે.

ઉપરાષ્ટ્રપતિ જગદીપ ધનખડ ગાંધીનગર મહાત્મા મંદિર ખાતે આજે દ્વારા ગ્લોબલ પ્રોફેશનલ એકાઉન્ટન્ટ્સ કન્વેન્શન'નું ઉદઘાટન  કરશે. ઈન્સ્ટીટ્યુટ ઓફ ચાર્ટર્ડ એકાઉન્ટન્ટ્સ ઓફ ઇન્ડિયા દ્વારા આ ત્રણ દિવસીય સંમેલનનું આયોજન કરવામાં આવ્યું છે. આ ત્રણ દિવસીય આયોજનમાં 25થી વધુ દેશોના 4,000થી વધુ પ્રતિનિધિઓ ભાગ લેશે. વાણિજ્ય અને ઉદ્યોગ મંત્રી પિયૂષ ગોયલ અને ICAIના અધ્યક્ષ અનિકેત તલાટી ઉદઘાટન સત્રમાં હાજર રહેશે. આ સંમેલનમાં 30થી વધુ સત્ર યોજાશે. ભારતીય વીમા નિયામક તથા વિકાસ પ્રાધિકરણના અધ્યક્ષ દેબાશીષ પાંડા સહિત અન્ય વક્તા તેમના વિચાર રજૂ કરશે.

ICAI ના પ્રમુખ અનિકેત તલાટીએ જણાવ્યું હતું કે, આ ત્રણ દિવસ દરમિયાન, ઓડિટ, એકાઉન્ટિંગ, ટેક્સેશન, વેલ્યુએશન, ફોરેન્સિક્સ, એથિક્સ અને વૈશ્વિક સ્પર્ધાત્મકતા હાંસલ કરવાની રીતો જેવા વિવિધ મુદ્દાઓ પર ચર્ચા થશે. આ આંતરરાષ્ટ્રીય કોન્ફરન્સમાં ભારતના લગભગ 4,000 ચાર્ટર્ડ એકાઉન્ટન્ટ્સ અને લગભગ 200 આંતરરાષ્ટ્રીય પ્રતિનિધિઓ  ભાગ લઈ રહ્યા છે. સમારોહ દરમિયાન ICAI  ગુજરાત ઇન્ટરનેશનલ ફાઇનાન્સ ટેક-સિટી-ગિફ્ટ સિટી, અને ઇન્ટરનેશનલ ફાઇનાન્સિયલ સર્વિસિસ સેન્ટર્સ ઓથોરિટી - IFSCએ સાથે એમઓયુ  કરશે.