ગાંધીનગરના બહિયલ ગામમાં નવરાત્રિ દરમિયાન પથ્થરમારો કરનારા અસામાજિક તત્વોની મિલકત પર બુલડોઝર ફર્યું

ગાંધીનગરના બહિયલ ગામમાં નવરાત્રિ દરમિયાન પથ્થરમારો કરનારા અસામાજિક તત્વોની મિલકત પર બુલડોઝર ફર્યું

ગાંધીનગર જિલ્લાના દહેગામ તાલુકાના બહિયલ ગામમાં આજે વહેલી સવારથી જ પ્રશાસન દ્વારા કડક કાર્યવાહી શરૂ કરવામાં આવી છે. નવરાત્રિ દરમિયાન ગામમાં પથ્થરમારો કરનારા અસામાજિક તત્વોની ગેરકાયદેસર મિલકતો પર ડિમોલિશનની (બુલડોઝરની) કાર્યવાહી ચાલી રહી છે.

પ્રશાસન દ્વારા ચુસ્ત પોલીસ બંદોબસ્ત વચ્ચે આ કાર્યવાહી હાથ ધરવામાં આવી છે. અધિકારીઓના જણાવ્યા મુજબ, કુલ 186 ગેરકાયદેસર દબાણો દૂર કરવામાં આવશે. આ કાર્યવાહી દરમિયાન કોઈ અનિચ્છનીય બનાવ ન બને તે માટે 300થી વધુ પોલીસ સ્ટાફ ખડેપગે તૈનાત કરવામાં આવ્યો છે.

પ્રશાસનની આ કાર્યવાહી ગેરકાયદેસર દબાણો દૂર કરવા સાથે સાથે કાયદો અને વ્યવસ્થા જાળવી રાખવાનો સ્પષ્ટ સંદેશ આપે છે.