ગાંધીનગરમાં ફાર્મા એન્ડ લેબટેક એક્સપો-2025નો પ્રારંભ

મુખ્યમંત્રી ભૂપેન્દ્ર પટેલે એક્સપોનો પ્રારંભ આરોગ્ય મંત્રી ઋષિકેશ પટેલની ઉપસ્થિતિમાં કરાવ્યો હતો. તેમણે પ્રદર્શનના વિવિધ સ્ટોલ્સની મુલાકાત લીધી હતી. ફાર્મા એન્ડ લેબટેક એક્સપોની આ 20માં એડિશનમાં કોનકરન્ટ ઇવેન્ટ્સ, કોન્ટ્રાક્ટ મેન્યુફેક્ચરિંગ એક્સ્પો અને રો એન્ડ પેકેજિંગ મટિરિયલ એક્સ્પો ઉમેરવામાં આવ્યા છે.

આ ક્ષેત્રમાં ફાર્માસ્યુટિકલ્સ ઉત્પાદનો, મશીનરી અને સાધનોના પૂરક છે, તેથી ઔદ્યોગિક મુલાકાતીઓ માટે ઉપયોગી થશે. આ પ્રદર્શન ફાર્માસ્યુટિકલ મશીનરી અને સાધનો ઉત્પાદન ક્ષેત્ર અને ફાર્માસ્યુટિકલ્સ પેકેજિંગ, લેબ અને વિશ્લેષણાત્મક સાધનો, ફાર્માસ્યુટિકલ ફોર્મ્યુલેશન, કોસ્મેટિક્સ, ન્યુટ્રાસ્યુટિકલ અને API પર ધ્યાન કેન્દ્રિત કરી રહ્યું છે. પ્રદર્શન વિસ્તારમાં પંપ, વાલ્વ, પાઇપ અને ફિટિંગ પર એક ખાસ પેવેલિયન પણ પ્રસ્તુત કરવામાં આવ્યું છે. 

25,000 ચોરસ મીટર વિસ્તારમાં પથરાયેલા એક્સપોમાં 400થી વધુ એક્ઝિબિટર્સ દવાઓ અને ફાર્મા પ્રોડક્ટ્સ તેમજ ઉત્પાદન મશીનરી-સાધનો પ્રદર્શિત કરાયા.  મુખ્યમંત્રી ભૂપેન્દ્ર પટેલે ત્રિ-દિવસીય એક્સપોનું હેલીપેડ એક્ઝિબિશન સેન્ટરમાં ઉદ્ઘાટન કર્યું. દેશના નાના અને મધ્યમ કક્ષાના ફાર્મા મશીનરી, એન્જિનિયરિંગ ઉત્પાદકો અને ફાર્માસ્યુટિકલ્સ ફોર્મ્યુલેશન ઉત્પાદનો, લેબટેકને યોગ્ય પ્લેટફોર્મ પૂરું પાડતા ફાર્મા એન્ડ લેબટેક એક્સપો-2025નો ગાંધીનગરમાં પ્રારંભ થયો છે.

મુખ્યમંત્રીએ આ એક્સપોનું ઉદ્ઘાટન કર્યું તે અવસરે ગાંધીનગરના મેયર શ્રીમતી મીરાબહેન પટેલ, અખિલ ભારતીય સંત સમિતિ પાળીયાદના શ્રી ભયલુ બાપુ, ભારતીય જનતા પાર્ટી યુવા મોરચાના પ્રમુખ ડૉ. પ્રશાંત કોરાટ, ફૂડ એન્ડ ડ્રગ્સ કંટ્રોલ એડમિનિસ્ટ્રેટરના કમિશનર શ્રી ડૉ. એચ. જી કોશિયા, કેન્દ્ર સરકારના ડેપ્યુટી ડ્રગ્સ કંટ્રોલર ડૉ. રવિકાંત શર્મા, આઈ.ડી.એમ.એ.ના ઇમિડીયેટ પાસ્ટ નેશનલ પ્રેસિડેન્ટ ડૉ. વિરંચી શાહ અને પદાધિકારીઓ ઉપસ્થિત રહ્યા હતા.