ગાંધીનગર: ગિફ્ટ સીટીમાં FedEx કંપનીના પ્રતિનિધિ મંડળે લીધી મુલાકાત

વિશ્વની સૌથી મોટી લોજિસ્ટીક્સ કંપનીઓ પૈકીની એક એવી અગ્રણી FedExના ઉચ્ચસ્તરીય પ્રતિનિધિ મંડળે ગાંધીનગરમા મુખ્યમંત્રી ભૂપેન્દ્ર પટેલ સાથે મુલાકાત બેઠક યોજી હતી. FedExનું આ પ્રતિનિધિ મંડળ AMEAના રિજિયોનલ પ્રેસીડેન્ટ કનવલ પ્રીતના નેતૃત્વમાં ગુજરાત આવેલું છે. FedExના આ પ્રતિનિધિ  મંડળે તેમના સેન્ટર ઓફ એક્સલન્સની સ્થાપનાની સંભાવનાઓ ચકાસવા ગિફટ સિટીની મુલાકાત પણ લીધી હતી. 

ભારતમાં વિવિધ સ્તરે રિજિયોનલ લીડરશીપ રોલની ભૂમિકા માટે FedEx સક્રિયપણે વિચારાધીન છે.એટલું જ નહીં, ગ્લોબલ ઓપરેશનને સહાયરૂપ થવા સેન્ટર ઓફ એક્સલન્સ  સ્થાપવા  પણ ઇચ્છુક છે. મુખ્યમંત્રી ભૂપેન્દ્ર પટેલે FedExને ગિફટ સિટીમાં તેમના સેન્ટર ઓફ એક્સલન્સની સ્થાપના માટે સરકારના જરૂરી સહયોગની તત્પરતા દર્શાવી હતી.