ગુજરાતમાં ઉંદરો પકડવા માટે વપરાતી 'ગ્લુ ટ્રેપ્સ' પર સંપૂર્ણ પ્રતિબંધ

ગાંધીનગર: ઉંદર અને અન્ય નાના પ્રાણીઓને પકડવા માટે વપરાતી 'ગ્લુ ટ્રેપ્સ' (જેને સામાન્ય રીતે સ્ટિકી બોર્ડ તરીકે ઓળખવામાં આવે છે) સામે ગુજરાત સરકારે એક મોટો અને કડક નિર્ણય લીધો છે. પ્રાણીઓ પર થતી ક્રૂરતાને અટકાવવા માટે રાજ્ય સરકારે ગુજરાતભરમાં ગ્લુ ટ્રેપ્સના ઉત્પાદન, વેચાણ, સંગ્રહ અને ઉપયોગ પર તાત્કાલિક અસરથી સંપૂર્ણ પ્રતિબંધ મૂકી દીધો છે. આ સાથે હવે આ ઉપકરણો રાજ્યમાં ગેરકાયદેસર બન્યા છે.

ગાંધીનગર: ઉંદર અને અન્ય નાના પ્રાણીઓને પકડવા માટે વપરાતી 'ગ્લુ ટ્રેપ્સ' (જેને સામાન્ય રીતે સ્ટિકી બોર્ડ તરીકે ઓળખવામાં આવે છે) સામે ગુજરાત સરકારે એક મોટો અને કડક નિર્ણય લીધો છે. પ્રાણીઓ પર થતી ક્રૂરતાને અટકાવવા માટે રાજ્ય સરકારે ગુજરાતભરમાં ગ્લુ ટ્રેપ્સના ઉત્પાદન, વેચાણ, સંગ્રહ અને ઉપયોગ પર તાત્કાલિક અસરથી સંપૂર્ણ પ્રતિબંધ મૂકી દીધો છે. આ સાથે હવે આ ઉપકરણો રાજ્યમાં ગેરકાયદેસર બન્યા છે.

કૃષિ વિભાગ દ્વારા જાહેરનામું અને કાયદાકીય જોગવાઈ

રાજ્ય સરકારના કૃષિ, ખેડૂત કલ્યાણ અને સહકાર વિભાગ દ્વારા એક ઠરાવ બહાર પાડીને આ જાહેરાત કરવામાં આવી છે. સરકારના જણાવ્યા અનુસાર, ગ્લુ ટ્રેપ્સનો ઉપયોગ 'પ્રાણીઓ પ્રત્યે ક્રૂરતા અટકાવ અધિનિયમ, 1960' ની કલમ 11(1) નું ઉલ્લંઘન કરે છે. આ ઉપરાંત, 'એનિમલ વેલફેર બોર્ડ ઓફ ઈન્ડિયા' (AWBI) દ્વારા પણ તેની માર્ગદર્શિકા હેઠળ ગ્લુ ટ્રેપ્સના ઉપયોગને અત્યંત ક્રૂર અને ગેરકાયદેસર જાહેર કરવામાં આવ્યો છે.

ગ્લુ ટ્રેપ્સ શા માટે ઘાતક અને ક્રૂર છે?

ગ્લુ ટ્રેપ્સ એક અત્યંત ચીકણા અને ન સૂકાતા પદાર્થથી કોટેડ હોય છે, જેના સંપર્કમાં આવતા જ પ્રાણીઓ અને પક્ષીઓ સ્થિર થઈ જાય છે.

• ફસાયેલા પ્રાણીઓ છૂટવાનો પ્રયાસ કરતી વખતે ગંભીર ઇજાઓ પહોંચાડે છે.

• લાંબો સમય ભૂખ્યા-તરસ્યા રહેવાથી, ગૂંગળામણથી અથવા સંઘર્ષ દરમિયાન થયેલી ઈજાઓને કારણે તેઓ તરફડીને મરી જાય છે.

સરકારી પોર્ટલ અને ઈ-કોમર્સ વેબસાઈટ્સ પરથી પણ હટાવાયા

આ મામલે કડકાઈ દાખવતા ઉદ્યોગ અને ખાનગી વિભાગ દ્વારા સરકારી ઈ-માર્કેટપ્લેસ (GeM) પોર્ટલ તેમજ અન્ય તમામ ઈ-કોમર્સ અને ઓનલાઈન પ્લેટફોર્મ પરથી ગ્લુ ટ્રેપ્સ તાત્કાલિક હટાવી લેવાના આદેશો આપવામાં આવ્યા છે.

• આ ઉપરાંત તમામ સરકારી વિભાગો, બોર્ડ, નિગમો અને સ્થાનિક સ્વરાજ્યની સંસ્થાઓને પણ આ ઉપકરણો ખરીદવા કે વાપરવા પર પ્રતિબંધ ફરમાવવામાં આવ્યો છે.

નિયમ તોડનારાઓ સામે કડક કાનૂની કાર્યવાહીની ચેતવણી

સરકારના આ ઠરાવ મુજબ, પ્રતિબંધનું ઉલ્લંઘન કરનાર સામે ભારતીય નાગરિક સુરક્ષા સંહિતા (BNSS), 2023 ની કલમ 163 અને ભારતીય ન્યાય સંહિતા (BNS), 2023 ની કલમ 223 તેમજ કાયદાની અન્ય લાગુ પડતી જોગવાઈઓ હેઠળ કાનૂની કાર્યવાહી કરવામાં આવશે. જિલ્લા પોલીસ વહીવટી તંત્ર અને 'સોસાયટી ફોર પ્રિવેન્શન ઓફ ક્રૂરતા ટુ એનિમલ્સ' (SPCA) ને આ પ્રતિબંધનું ઉલ્લંઘન કરનારાઓ વિરુદ્ધ ફરિયાદો નોંધવા અને કાયદેસરની કાર્યવાહી કરવાની સત્તા આપવામાં આવી છે.

નાગરિકો અને વેપારીઓ માટે ખાસ અપીલ

• વેપારીઓ માટે: વેપારીઓને તાત્કાલિક ધોરણે ગ્લુ ટ્રેપ્સનો સ્ટોક રાખવાનું અને તેનું વેચાણ અટકાવવા સૂચના આપવામાં આવી છે.

• નાગરિકો માટે: ઘર, ઓફિસ કે ફેક્ટરીઓમાં ઉંદરના ત્રાસથી છુટકારો મેળવવા માટે ગ્લુ ટ્રેપ્સનો ઉપયોગ ન કરવા અપીલ કરવામાં આવી છે.