ગુજરાતમાં મેઘ મહેર: ઉત્તર ગુજરાતમાં રેડ એલર્ટ, રાજ્યભરમાં ભારે વરસાદની આગાહી

ગુજરાતમાં મેઘ મહેર: ઉત્તર ગુજરાતમાં રેડ એલર્ટ, રાજ્યભરમાં ભારે વરસાદની આગાહી

ગુજરાતમાં ચોમાસું સક્રિય થતાં જ રાજ્યભરમાં વરસાદી માહોલ છવાયો છે. ગત અઠવાડિયે દક્ષિણ ગુજરાતમાં ભારે વરસાદે હાહાકાર મચાવ્યો હતો. હવામાન વિભાગે હવે આગામી સમય માટે રાજ્યમાં અતિભારે વરસાદની આગાહી કરી છે, જેમાં ખાસ કરીને ઉત્તર ગુજરાતના ચાર જિલ્લા - બનાસકાંઠા, પાટણ, મહેસાણા અને સાબરકાંઠા માટે રેડ એલર્ટ જાહેર કરવામાં આવ્યું છે.

આ ઉપરાંત, કચ્છ, સુરેન્દ્રનગર, ગાંધીનગર, અરવલ્લી, અમદાવાદ, મહીસાગર, ખેડા, આણંદ, પંચમહાલ, દાહોદ, અને વડોદરા સહિતના જિલ્લાઓ માટે ઓરેન્જ એલર્ટ આપવામાં આવ્યું છે. રાજ્યના અન્ય ભાગો જેવા કે મોરબી, જામનગર, દ્વારકા, પોરબંદર, જૂનાગઢ, ગીર સોમનાથ, અમરેલી, ભાવનગર, રાજકોટ, બોટાદ, છોટા ઉદેપુર, નર્મદા, ભરૂચ, સુરત, તાપી, ડાંગ, નવસારી, વલસાડ, દમણ, દાદરા અને નગર હવેલી માટે યલો એલર્ટ જારી કરાયું છે, જે દર્શાવે છે કે સમગ્ર રાજ્યમાં ભારે વરસાદની શક્યતા છે.