ગુજરાત યુનિવર્સિટીની ઓફલાઈન પરીક્ષા મોકુફ, ઓગસ્ટના અંત સુધી કોઈ ઓફલાઈન પરીક્ષા લેવાશે નહીં

ગુજરાત યુનિવર્સિટીની ઓફલાઈન પરીક્ષા મોકુફ રાખવામાં આવી છે. ઓગસ્ટના અંત સુધી કોઈ ઓફલાઈન પરીક્ષા લેવાશે નહીં. પરીક્ષા આપવા ઇચ્છતા વિદ્યાર્થીઓએ ઓનલાઈન પરીક્ષા જ આપવાની રહેશે.

ગુજરાત યુનિવર્સિટીની 17 ઓગસ્ટથી શરૂ થનારી ઓફલાઈન પરીક્ષા મોકુફ રાખવામાં આવી છે. ઓગસ્ટના અંત સુધી કોઈ ઓફલાઈન પરીક્ષા લેવાશે નહીં. પરીક્ષા આપવા ઇચ્છતા વિદ્યાર્થીઓએ ઓનલાઈન પરીક્ષા જ આપવાની રહેશે. જે માટે ગુજરાત યુનિવર્સિટીની વેબસાઇટ પર ઓનલાઇન પ્રક્રિયા ચાલુ કરવામાં આવે છે. આ ઓનલાઇન પરીક્ષા MCQ પદ્ધતિથી લેવામાં આવશે. તેની તમામ ગાઈડલાઈન ગુજરાત યુનિવર્સિટીની વેબસાઈટ ઉપર મુકવામાં આવી છે. 21 અને 31 ઓગસ્ટે પીજી સેમેસ્ટર-4 અને યુજી સેમેસ્ટર 6ની પરીક્ષા શરૂ થશે. ઓનલાઇન પરીક્ષામાં વિદ્યાર્થીઓએ પોતાનો એનરોલમેન્ટ નંબર , મોબાઈલ નંબર તથા ઇ-મેઇલ દાખલ કરવાનો રહેશે.