નડિયાદ સ્પોર્ટ્સ કોમ્પ્લેક્સ ખાતે નેશનલ ફેડરેશન કપ જુનિયર એથ્લેટીક્સ ચેમ્પિયનશિપ 2022 યોજાઈ

ખેડા જિલ્લાના નડિયાદ સ્પોટસ કોમ્પલેક્સ ખાતે 20 મી નેશનલ ફેડરેશન કપ જુનિયર એથ્લેટીક્સ ચેમ્પિયનશિપ 2022 યોજાઈ હતી. એથ્લેટીક્સ ફેડરેશન ઓફ ઇન્ડિયા- નવી દિલ્હીના નેતૃત્વ હેઠળ, સદર રાષ્ટ્રીય સ્પર્ધાનું આયોજન કરવામાં આવ્યું હતું. આ સ્પર્ધામાં સમગ્ર દેશમાંથી 700 ખેલાડીઓએ, કુલ 40 ઇવેન્ટમાં ભાગ લીધો હતો. જેમાં ગુજરાતને 3 સ્વર્ણ પદક, અને 3 રજત પદક પ્રાપ્ત થયા છે. રોહિત કુમાર યાદવને 10 કિલોમીટર ફાસ્ટ દોડ માટે, સ્વર્ણ પદક એનાયત કરવામાં આવ્યો છે. જયારે  દ્રષ્ટિ ચૌધરીને 3000 મીટર દોડ, અને 5000 મીટર દોડ માટે, 2 સ્વર્ણ પદક એનાયત કરવામાં આવ્યા છે. 10 કિમી ફાસ્ટ દોડ માટે બાબુભાઇ બરજોદ તેમજ લક્ષીતા સંદીલ્ય 1500 મીટર દોડ અને 800 મીટર દોડ માટે રજત પદક એનાયત કરાયો છે.