બનાસકાંઠાઃ સ્વચ્છ ભારત મિશન અંતર્ગત જિલ્લાના 28 ગામને ડોર ટુ ડોર વેસ્ટ કલેક્શન માટે ઇ વ્હીકલ ફાળવવામાં આવ્યા

બનાસકાંઠાઃ સ્વચ્છ ભારત મિશન અંતર્ગત જિલ્લાના 28 ગામને ડોર ટુ ડોર વેસ્ટ કલેક્શન માટે ઇ વ્હીકલ ફાળવવામાં આવ્યા

સ્વચ્છ ભારત મિશન અંતર્ગત બનાસકાંઠા જિલ્લાના 28 ગામને ડોર ટુ ડોર વેસ્ટ કલેક્શન માટે ઇ વ્હીકલ ફાળવવામાં આવ્યા છે. તમામ 28 ગામના સરપંચ તથા તલાટીઓની હાજરીમાં જિલ્લા વિકાસ અધિકારી સ્વપ્નિલ ખરેના હસ્તે આ ઇ-વ્હીકલને લીલી ઝંડી બતાવી પ્રસ્થાન કરાવાયું હતું. તેમાં પાલનપુર તાલુકાના  પારપડા, બાદરગઢ અને વડગામ તાલુકાના મુમનવાસ, છનીયાણા ગામના સરપંચોને ઈ વ્હીકલ અર્પણ કરાઈ હતી. જિલ્લા વિકાસ અધિકારી સ્વપ્નિલ ખરેએ જણાવ્યું હતું કે ઇ-વ્હીકલને કારણે ડોર-ટુ-ડોર વેસ્ટ કલેક્શનની સુવિધા બનાસકાંઠા જિલ્લાના ગામોને મળશે, જેથી ગામડાઓમાં સ્વચ્છતા જળવાશે. તેમજ આ વાહનો પેટ્રોલ અને ડિઝલ પર નિર્ભર ન હોવાને કારણે પર્યાવરણ પણ સુરક્ષિત રહેશે.