મુખ્યમંત્રી અને નાયબ મુખ્યમંત્રીએ 867 કરોડના વિકાસના કામોનું ખાતમુહૂર્ત કરાવ્યું

મુખ્યમંત્રી વિજયભાઈ રૂપાણી તેમજ નાયબ મુખ્યમંત્રી નીતિનભાઈ પટેલના હસ્તે રૂ. 867 કરોડના વિકાસ કામોનું  ખાતમુહૂર્ત કરવામાં આવ્યું

અમદાવાદના સરખેજ-ગાંધીનગર હાઈવે પર આવેલી સોલા સિવિલ હોસ્પિટલ ખાતે  મુખ્યમંત્રી વિજયભાઈ રૂપાણી તેમજ નાયબ મુખ્યમંત્રી નીતિનભાઈ પટેલના હસ્તે રૂ. 867 કરોડના વિકાસ કામોનું  ખાતમુહૂર્ત કરવામાં આવ્યું હતુ. આ પ્રોજેક્ટમાં સરખેજ-ગાંધીનગર-ચિલોડા નેશનલ હાઈવે નંબર 147નું  છ માર્ગીકરણ કરવામાં આવશે  તેમજ ફ્લાય ઓવર અને એલિવેટેડ કોરિડોરનું પણ નિર્માણ કરાશે. આ તકે મુખ્યમંત્રીએ  કેન્દ્ર સરકારની વિવિધ યોજનાઓનો ઉલ્લેખ કરી  તેના થકી દેશ અને રાજ્યના નાગરિકોની સુખાકારીમાં  વધારો થવાનું જણાવ્યું હતુ.