મોબાઇલ કવરેજની ગુણવત્તા સુધારવા માટે ગુજરાત LSA, DoT દ્વારા અમદાવાદમાં ડ્રાઇવ ટેસ્ટ

મોબાઈલ ટેલિકોમ્યુનિકેશન સેવાઓ દેશના વિકાસના મુખ્ય સમર્થક તરીકે ઉભરી આવી છે અને તે નાગરિકોના રોજિંદા જીવનનો આંતરિક ભાગ બની ગઈ છે. ટેલિકોમ સેવા પ્રદાતાઓ દ્વારા પૂરી પાડવામાં આવતી સેવાની ગુણવત્તાના ધોરણો નક્કી કરવામાં અને સેવાની ગુણવત્તા ધોરણો અનુસાર પૂરી પાડવામાં આવે તેની ખાતરી કરવામાં ટેલિકોમ્યુનિકેશન વિભાગ મહત્વપૂર્ણ ભૂમિકા ભજવે છે. ટેલિકોમ્યુનિકેશન વિભાગના ક્ષેત્રીય એકમોને ટેલિકોમ સેવા પ્રદાતાઓ દ્વારા પ્રદાન કરવામાં આવતી મોબાઈલ સેવાઓની ગુણવત્તાનું સામયિક ઓડિટ કરવાનું કાર્ય સોંપવામાં આવ્યું છે અને તેઓ દેશના પસંદગીના શહેરોમાં સંપૂર્ણ મોબાઈલ ડ્રાઈવ ટેસ્ટ કરે છે.

"આઝાદી કા અમૃત મહોત્સવ" ઉજવણીના ભાગ રૂપે, ટેલિકોમ્યુનિકેશન વિભાગના ગુજરાત LSA અધિકારીઓની દેખરેખ હેઠળ, ચારેય ટેલિકોમ સેવા પ્રદાતાઓ એટલે કે Airtel, BSNL, Jio અને Vodafone Idea ની નેટવર્ક ટીમોએ અમદાવાદ શહેરમાં વ્યાપક મોબાઈલ ડ્રાઈવ ટેસ્ટ યોજવાનું શરૂ કર્યું છે. જે ચાર દિવસ 8મી માર્ચ 2022 થી 11મી માર્ચ 2022 સુધી ચાલુ રહેશે.

ડ્રાઇવ ટેસ્ટ રૂટ ભારે વપરાશના લગભગ તમામ વિસ્તારોને આવરી લેશે જેમ કે ઓફિસ વિસ્તારો, વ્યાપારી વિસ્તારો, વ્યાપાર કેન્દ્રો, પ્રવાસી આકર્ષણો, મુખ્ય રસ્તાઓ અને ધોરીમાર્ગો, હોસ્પિટલો, એરપોર્ટ, રેલ્વે સ્ટેશન, બસ સ્ટેન્ડ વગેરે. ઉપરાંત, એવા વિસ્તારો જ્યાં કોલ ડ્રોપ્સ અને કવરેજની સમસ્યા છે એવા મુદ્દાઓ પણ આવરી લેવામાં આવશે.

અજાતશત્રુ સોમાણી, DDG, ટેલિકોમ્યુનિકેશન વિભાગના અમદાવાદએ જણાવ્યું હતું કે ડ્રાઇવ ટેસ્ટના પરિણામોના આધારે, ટેલિકોમ સેવા પ્રદાતાઓ તરફથી જરૂરી કાર્યવાહી સુનિશ્ચિત કરવામાં આવશે કે જ્યાં મોબાઇલની ગુણવત્તા અને કવરેજ બેન્ચમાર્ક સુધી ન હોય તેવા સ્થળોએ યોગ્ય સુધારાત્મક પગલાં લેવામાં આવે. મોબાઇલ ટાવર માટે નવી સાઇટ્સ હસ્તગત કરવામાં ટેલિકોમ સેવા પ્રદાતાઓ દ્વારા જે સ્થળોનો સામનો કરવો પડી રહ્યો છે તે સ્થાનોને ઓળખવામાં આવશે અને રાજ્ય / સ્થાનિક સરકારી સત્તાવાળાઓને સાથે રાખીને નિર્ણય લેવામાં આવશે.

છેલ્લા 2 વર્ષમાં, કોવિડ-19 રોગચાળો હોવા છતાં, ગુજરાત LSA ટેલિકોમ્યુનિકેશન વિભાગએ સમગ્ર ગુજરાતમાં અમદાવાદ, સુરત, ગાંધીનગર, વડોદરાથી સ્ટેચ્યુ ઑફ યુનિટી અને સ્ટેચ્યુ ઑફ યુનિટીની આસપાસના વિસ્તારમાં શ્રેણીબદ્ધ ડ્રાઇવ ટેસ્ટ હાથ ધર્યા છે.