સુપ્રીમ કોર્ટે ગુજરાત કોંગ્રેસને આપ્યો ઝટકો

રાજ્યસભાની ચૂંટણીમાં ભાજપના બે ઉમેદવારની જીત નિશ્ચિત, સુપ્રીમ કોર્ટે કોંગ્રેસની અરજી ફગાવી દખલ કરવાનો કર્યો ઇનકાર, હવે ચૂંટણી પંચના જાહેરનામા પ્રમાણે જ યોજાશે ચૂંટણી

રાજ્યસભાની ચૂંટણીને લઈને કોંગ્રેસ પાર્ટીને સુપ્રીમ કોર્ટમાંથી મોટો ઝટકો મળ્યો છે. કોંગ્રેસ તરફથી રાજ્યસભાની બંને બેઠકો માટે અલગ અલગ મતદાન ન યોજવાની અરજી કરવામાં આવી હતી. સુપ્રીમ કોર્ટે આ મામલે કોંગ્રેસની અરજી ફગાવી દીધી છે.અને આ સમગ્ર મામલે દખલ કરવાનો ઇનકાર કરી દીધો છે... હવે પાંચમી જુલાઈના રોજ ગુજરાતની રાજ્યસભાની બંને બેઠકો માટે અલગ અલગ મતદાન યોજાશે. અને એ જ દિવસ સાંજે જ પરિણામ જાહેર કરી દેવામાં આવશે.રાજ્યસભાની ચૂંટણી માટે આજે ફોર્મ ભરવાની અંતિમ તારીખ છે. આગામી પાંચમી જુલાઈના રોજ હવે આ બંને બેઠક માટે ચૂંટણી યોજાશે. ભાજપે બંને બેઠક માટે વિદેશમંત્રી એસ જયશંકર અને જુગલજી ઠાકોરને મેદાને ઉતાર્યા છે.