સુરેન્દ્રનગર મહાનગરપાલિકા દ્વારા નેશનલ ફાયર સર્વિસ દિવસની ઉજવણી

સુરેન્દ્રનગર મહાનગરપાલિકા (એસએનએમસી) દ્વારા આજે તા. 14 એપ્રિલે નેશનલ ફાયર સર્વિસ દિવસની ઉજવણી કરવામાં આવી હતી.

 આ અવસરે ફાયર અને ઇમર્જન્સી સર્વિસના કર્મચારીઓએ ફાયર સ્ટેશન ખાતે એકત્ર થઈને ફાયર સેફ્ટી અને તૈયારીના મહત્વને પ્રકાશિત કર્યું હતું.કાર્યક્રમમાં ફાયર ટ્રકો, રેસ્ક્યુ વાહનો અને અદ્યતન ફાયર ફાઇટિંગ સાધનોનું પ્રદર્શન કરવામાં આવ્યું હતું. એક વિશેષ ડિસ્પ્લે ટેબલ પર લાઇફ જેકેટ, હેલ્મેટ, ફાયર હોસ, લાઇફબોય અને અન્ય સુરક્ષા સાધનો સાથે સજ્જ ફાયરફાઇટર મેનિકિનનું આકર્ષક પ્રદર્શન કરવામાં આવ્યું હતું. ફાયર સર્વિસના કર્મચારીઓએ યુનિફોર્મમાં પોઝ આપીને ફોટો સેશનમાં ભાગ લીધો હતો.આ કાર્યક્રમનો મુખ્ય હેતુ ફાયર સર્વિસ કર્મીઓના સમર્પિત સેવાભાવને માન આપવાનો તેમજ નાગરિકોમાં આગના જોખમ અને સુરક્ષા વિષયક જાગૃતિ વધારવાનો હતો. સુરેન્દ્રનગર મહાનગરપાલિકાના ફાયર ઓફિસર દેવાંગ દૂધરેજીયાએ જણાવ્યું કે આવા કાર્યક્રમો દ્વારા ફાયર સર્વિસની તૈયારીને વધુ મજબૂત બનાવી શકાય છે.