CM ભૂપેન્દ્ર પટેલના હસ્તે વાવ-થરાદ માટે આધુનિક જિલ્લા સેવા સદનનું ભૂમિપૂજન

77માં પ્રજાસત્તાક પર્વની રાજ્ય કક્ષાની ઉજવણીના પ્રથમવાર યજમાન બનેલા વાવ-થરાદ જિલ્લામાં એક મહત્વપૂર્ણ વિકાસ કાર્યનો પ્રારંભ થયો છે. મુખ્યમંત્રી ભૂપેન્દ્ર પટેલના વરદ હસ્તે થરાદ ખાતે અંદાજે 70 કરોડના ખર્ચે 39 એકર વિસ્તારમાં નિર્માણ થનારા નવ સર્જિત વાવ-થરાદ જિલ્લાના આધુનિક જિલ્લા સેવા સદનનું ભૂમિ પૂજન અને તકતી અનાવરણ સંપન્ન કરવામાં આવ્યું છે.

77માં પ્રજાસત્તાક પર્વની રાજ્ય કક્ષાની ઉજવણીના પ્રથમવાર યજમાન બનેલા વાવ-થરાદ જિલ્લામાં એક મહત્વપૂર્ણ વિકાસ કાર્યનો પ્રારંભ થયો છે. મુખ્યમંત્રી ભૂપેન્દ્ર પટેલના વરદ હસ્તે થરાદ ખાતે અંદાજે 70 કરોડના ખર્ચે 39એકર વિસ્તારમાં નિર્માણ થનારા નવ સર્જિત વાવ-થરાદ જિલ્લાના આધુનિક જિલ્લા સેવા સદનનું ભૂમિ પૂજન અને તકતી અનાવરણ સંપન્ન કરવામાં આવ્યું છે.

આ અવસરે વિધાનસભા અધ્યક્ષ શંકર ચૌધરી, રાજ્ય મંત્રી સ્વરૂપજી ઠાકોર, દિયોદર ધારાસભ્ય કેશાજી ચૌહાણ અને પ્રભારી સચિવ એમ. નાગરાજ સહિતના મહાનુભાવો વિશેષ ઉપસ્થિત રહ્યા હતા.

વહીવટી સુગમતા અને વિકાસની નવી દિશા
વડાપ્રધાન નરેન્દ્ર મોદીના સુશાસનના દ્રષ્ટિકોણને અનુસરીને, નાગરિકોને તમામ સરકારી સેવાઓ એક જ સ્થળેથી સરળતાથી મળી રહે તે માટે આ સેવા સદનનું નિર્માણ કરવામાં આવી રહ્યું છે. મુખ્યમંત્રી ભૂપેન્દ્ર પટેલના નેતૃત્વમાં રાજ્ય સરકાર દ્વારા લેવાયેલો આ નિર્ણય જિલ્લાના સર્વાંગી વિકાસને નવી ગતિ આપશે.

સેવા સદનની વિશેષતાઓ અને સુવિધાઓ
આ નવું સેવા સદન માત્ર વહીવટી કેન્દ્ર જ નહીં, પરંતુ આધુનિક સ્થાપત્યનો નમૂનો પણ બનશે:

એક જ છત નીચે સેવાઓ: જિલ્લા કલેક્ટર કચેરી સહિત વિવિધ વિભાગોની 30થી વધુ જિલ્લા સ્તરીય કચેરીઓ અહીં કાર્યરત થશે.

ગ્રીન બિલ્ડિંગ કન્સેપ્ટ: બિલ્ડિંગનું નિર્માણ પર્યાવરણને અનુકૂળ રીતે કરવામાં આવશે.

અદ્યતન સુવિધાઓ: સોલાર રૂફ ટોપ, વરસાદી પાણીના સંચયની વ્યવસ્થા (Rainwater Harvesting), વિશાળ મીટિંગ હોલ, અદ્યતન લિફ્ટ અને બેઝમેન્ટ પાર્કિંગ જેવી વ્યવસ્થાઓ ઉપલબ્ધ હશે.

ઉપસ્થિત મહાનુભાવો અને અધિકારીઓ
આ ઐતિહાસિક પ્રસંગે જિલ્લા કલેક્ટર જે.એસ. પ્રજાપતિ, જિલ્લા વિકાસ અધિકારી કાર્તિક જીવાણી, માર્ગ અને મકાન સચિવ પી.આર. પટેલીયા, ખાસ સચિવ જે.એ. ગાંધી, અધિક્ષક ઇજનેર એલ.ડી. ચૌધરી, કાર્યપાલક ઇજનેર તેજસ માંગુકિયા સહિતના પદાધિકારીઓ અને મોટી સંખ્યામાં સ્થાનિક નાગરિકો ઉપસ્થિત રહ્યા હતા.

આ સેવા સદન કાર્યરત થવાથી જિલ્લાના નાગરિકોના સમય અને સંસાધનોની બચત થશે અને વહીવટી કાર્યક્ષમતામાં નોંધપાત્ર વધારો થશે.