આઇસલેન્ડમાં ભૂકંપ બાદ ભયાનક જ્વાળામુખી ફાટ્યો, પ્રવાસીઓને દૂર રહેવાની સલાહ

આઈસલેન્ડની રાજધાની રેકજાવિક (#Reykjavik) નજીક ભયંકર જ્વાળામુખી ફાટ્યો છે. જોકે, આ વિસ્ફોટમાં કોઈને નુકસાન થયું નથી. સ્થાનિક અધિકારીઓએ માહિતી આપી હતી કે વિસ્ફોટમાં કોઈને નુકસાન થયું નથી. વહીવટીતંત્રે પ્રવાસીઓ અને અન્ય મુલાકાતીઓને સાવચેતી રાખવા ચેતવણી જારી કરી હતી.

વિસ્ફોટથી દેશની રાજધાનીને દેશના સૌથી મોટા એરપોર્ટ સાથે જોડતા મુખ્ય માર્ગને થોડા સમય માટે બ્લોક કરી દેવામાં આવ્યો હતો. આઇસલેન્ડની રાજધાનીના સૌથી મોટા એરપોર્ટથી માત્ર 20 માઇલ દૂર જ્વાળામુખી ફાટ્યો હતો. આ છેલ્લો વિસ્ફોટ સત્તાવાર રીતે સમાપ્ત થયાના બરાબર 11 મહિના પછી આવે છે. એટલે કે 2 વર્ષમાં આઇસલેન્ડમાં આ બીજો સૌથી મોટો જ્વાળામુખી ફાટ્યો છે.