ચાર્લ્સ ત્રીજાનો આવતીકાલે લંડનમાં રાજ્યાભિષેક થશે

બ્રિટનમાં ચાર્લ્સ ત્રીજાના રાજ્યાભિષેકની તૈયારીઓ ચાલી રહી છે

બ્રિટનમાં ચાર્લ્સ ત્રીજાના રાજ્યાભિષેકની તૈયારીઓ ચાલી રહી છે. ચાર્લ્સ ત્રીજાનો આવતીકાલે એટલે કે 6 મેના રોજ લંડનમાં રાજ્યાભિષેક થશે. ગયા વર્ષે સપ્ટેમ્બરમાં રાણી એલિઝાબેથ દ્વિતીયના અવસાન બાદ બ્રિટિશ સિંહાસન પર બેઠેલા ચાર્લ્સ અને તેમની પત્ની રાણી કેમિલાનો શનિવારે વેસ્ટમિંસ્ટર એબી ખાતે ધાર્મિક સમારોહમાં ઔપચારિક રીતે તાજ પહેરાવવામાં આવશે. 

70 વર્ષના ગાળા બાદ આવી ઘટના બનવા જઈ રહી છે. આ પહેલા આવી શાહી પરંપરા છેલ્લે 1953માં સ્વર્ગસ્થ રાણી માટે જોવા મળી હતી. રાજ્યાભિષેકનું ભવ્ય આયોજન કરવામાં આવી રહ્યું છે. બ્રિટનમાં 6 થી 8 મેની વચ્ચે ભવ્ય રાજ્યાભિષેકનું સમાપન થશે. રાજા ચાર્લ્સ તૃતીયના રાજ્યાભિષેકમાં વિવિધ પરંપરાઓ જોવા મળશે, જે તેમની માતા અને રાણી એલિઝાબેથના રાજ્યાભિષેકથી પણ ઘણી અલગ હશે. મહારાણી એલિઝાબેથ II એ 70 વર્ષ સુધી બ્રિટન પર શાસન કર્યું હતું. કિંગ ચાર્લ્સ III ના રાજ્યાભિષેક સાથે શનિવારે ગ્રેટ બ્રિટનનો શાહી પરિવાર એક નવો અધ્યાય શરૂ કરશે.

આ અસમારોહનું આયોજન વેસ્ટમિન્સ્ટર એબી ખાતે થશે જ્યાં છેલ્લા 900 વર્ષથી રાજ્યાભિષેક સમારોહ યોજાય છે.1066 થી વેસ્ટમિન્સ્ટર એબીમાં બ્રિટિશ રાજાઓ અને રાણીઓનો તાજ પહેરાવવામાં આવ્યો છે. અત્યાર સુધીમાં અહીં 38 રાજ્યાભિષેક થયા છે. આ જ કારણ છે કે શાહી ચર્ચ શાહી પરિવારના રાજ્યાભિષેક માટે પરંપરાગત સ્થળ રહ્યું છે.

1953માં પ્રથમ વખત તેનું ટેલિવિઝન પર જીવંત પ્રસારણ પણ કરવામાં આવ્યું હતું. આ સમારંભ તે સમયે બ્રિટનમાં કરોડ લોકોએ નિહાળ્યો હતો, જે પછીથી વિશ્વમાં પ્રસારિત કરવામાં આવ્યો હતો. આજે લાઇવ સ્ટ્રીમિંગ અને સોશિયલ મીડિયાના યુગમાં કોઈપણ તેને ગમે ત્યાંથી જોઈ શકશે.