દિવાળીને રાષ્ટ્રીય રજા જાહેર કરવી જોઈએ : યુએસ લો મેકર

દિવાળીને હિન્દુ, શિખ, બૌદ્ધ અને જૈન સહિતના વિવિધ ધર્મના અમેરિકામાં રહેલા લાખો લોકો દ્વારા ઉજ્જવવામાં આવે છે, તેથી તેને રાષ્ટ્રીય તહેવાર જાહેર કરવો જોઈએ, તેમ કોંગ્રેસ મહિલા ગ્રેસ મેંગએ જણાવ્યું હતું. વકીલથી રાજનેતા બનેલા મેંગે ન્યુયોર્ક જિલ્લાના છઠ્ઠા કોંગ્રેસનલનું પ્રતિનિધિત્વ કરે છે જેમણે દિવાળીની રાજાઓને રાષ્ટ્રીય રજા જાહેર કરવા દિવાળી ડે એક્ટ અને યુએસ હાઉસ રિપ્રેઝેન્ટેશન રજૂ કર્યું હતું. “તે માત્ર એક દિવસની રજા નથી. તે એ સુનિશ્ચિત કરવા વિશે છે કે જે લોકો દિવાળીની ઉજવણી કરે છે તેનાથી આગળના લોકો રજાઓ અને સંસ્કૃતિને તથા દિવાળીની ઉજવણી કરનારા ઘણા લોકોના યોગદાનને સમજે છે," મેંગે ગુરુવારે એક મુલાકાતમાં જણાવ્યું હતું. ક્વીન્સ, ન્યુ યોર્ક સિટીમાં ઉછરતા બાળક તરીકે, મેંગે કહ્યું કે તે હંમેશા એ સુનિશ્ચિત કરવા માંગતી હતી કે યુએસની રજાઓ સમુદાયોની રજાઓ સાથે મેળ ખાય. "એક એશિયન અમેરિકન તરીકે મારા માટે એ મહત્વનું છે કે દિવાળી, જે એક રજા છે જે હજારો ન્યુ યોર્કવાસીઓ અને વિશ્વભરના અબજો લોકો ઉત્સાહથી ઉજવે છે,  તેથી આ દિવસે રજા હોવી જોઈએ, તેમ 47 વર્ષીય ડેમોક્રેટિક નેતાએ જણાવ્યું હતું.  મેમાં રજૂ કરાયેલા કાયદાને તેમના કોંગ્રેસના સાથીદારો તરફથી સકારાત્મક વલણ મળ્યું છે. અમે આ અંગે કોઈ નકારાત્મક વાત સાંભળી નથી. તેથી આ ખૂબજ સકારાત્મક સંકેત છે. કાયદાનો આ ભાગ એ કાયદાનો દ્વિપક્ષીય ભાગ છે, તેમ તેણીએ જણાવ્યું હતું. અમે દરે સભ્યોએ આ અંગે ચર્ચા કરવા ખૂબજ ઉત્સુક છીએ અને આશા છે કે આ બિલ થઈ શખે છે. ન્યુયોર્ક સ્ટેટ દ્વારા લેવામાં આવેલા પગલાઓથી અમે ખૂબ જ ખુશ છીએ, ઉદાહરણ તરીકે, દિવાળીને ન્યૂ યોર્ક સિટીની શાળાની રજા બનાવવા માટે, જે લાંબા સમયથી બાકી છે. અમે તે કાયદા પર લગભગ 10 વર્ષથી અથવા 10 વર્ષથી વધુ સમયથી લડી રહ્યા છીએ. અને તેથી અમે વિચારીએ છીએ કે તે અમારા સંઘીય કાયદા માટે પણ થોડી ગતિ પ્રદાન કરે છે. તેણીએ જણાવ્યું હતું કે ભારતીય અમેરિકનોએ ન્યુયોર્ક સિટી, ન્યુયોર્ક સ્ટેટ અને યુએસમાં ઘણું યોગદાન આપ્યું છે. ભારતીય અમેરિકનો આ દેશમાં સૌથી મોટી એશિયન અમેરિકન વસ્તીમાંની એક છે, અને તેઓએ યુ.એસ.ને ઘણા લાભો આપ્યા છે.