ફિલિપાઈન્સની રાજધાની મનીલામાં બોટ ડૂબી જતાં 26ના મોત, 40ને બચાવાયા

ફિલિપાઈન્સની રાજધાની મનીલા નજીકના એક તળાવમાં ગઈકાલે નાની હોડી પલટી જતાં 26 જેટલા લોકોના મોત થયા હતા, જ્યારે 40 લોકોને બચાવી લેવાયા હતા. ફિલિપાઈન્સ ન્યૂઝ એજન્સીના જણાવ્યા અનુસાર, આ દુર્ઘટના સવારે લગભગ 1 વાગ્યે થઈ જ્યારે એક મોટરવાળી બોટ તોફાનમાં ફસાઈ ગઈ. જો કે હજુ સુધી એ જાણવા મળ્યું નથી કે બોટમાં કેટલા લોકો સવાર હતા. તેની ક્ષમતા 42 મુસાફરો અને ક્રૂ સભ્યોની છે, મુસાફરોને બચાવવા માટે રાહત કામગીરી ચાલુ છે.

27 જુલાઈ ફિલિપાઈન્સની રાજધાની મનીલા નજીક તીવ્ર પવન વચ્ચે પેસેન્જર બોટ પલટી જતાં 26 લોકોનાં મોત થયાં હતાં.

બિનાંગોનાન ટાઉનની ડિઝાસ્ટર એજન્સીના વડાએ જણાવ્યું હતું કે 40 લોકોને બચાવી લેવામાં આવ્યા છે, જ્યારે શોધ અને બચાવ કામગીરી ચાલુ છે. બોટ કિનારાથી લગભગ 45 મીટર દૂર હતી જ્યારે તે તીવ્ર પવન સાથે અથડાઈ હતી, જેના કારણે તમામ મુસાફરો ગભરાઈ ગયા હતા અને એક તરફ ખસી ગયા હતા, જેના કારણે જહાજ પલટી ગયું હતું

ફિલિપાઈન્સમાં આ અઠવાડિયે ઉત્તરીય અને સૌથી વધુ વસ્તીવાળા લુઝોન ટાપુ પર 175 કિલોમીટર પ્રતિ કલાકની ઝડપે પવન ફૂંકયો હતો.