માલદીવમાં રાષ્ટ્રપતિની ચૂંટણી માટે ટોચના બે ઉમેદવારો વચ્ચે રન-ઓફ માટે બીજા રાઉન્ડનું મતદાન યોજાયું

રાષ્ટ્રપતિની ચૂંટણીનો પ્રથમ રાઉન્ડ 9મી સપ્ટેમ્બરે યોજાયો હતો જેમાં કોઈ ઉમેદવારને જરૂરી 50 ટકા મત મળ્યા ન હતા.

માલદીવમાં ટોચના બે દાવેદારો વચ્ચેના ચૂંટણી જંગમાં મતદાન ચાલી રહ્યું છે. રાષ્ટ્રપતિની ચૂંટણીનો પ્રથમ રાઉન્ડ 9મી સપ્ટેમ્બરે યોજાયો હતો જેમાં કોઈ ઉમેદવારને જરૂરી 50 ટકા મત મળ્યા ન હતા. સત્તાધારી માલદીવિયન ડેમોક્રેટિક પાર્ટી (MDP)નું પ્રતિનિધિત્વ કરતા વર્તમાન પ્રમુખ ઇબ્રાહિમ મોહમ્મદ સોલિહને 39 ટકાથી વધુ મત મળ્યા હતા. જ્યારે વિપક્ષના ઉમેદવાર ડો. મોહમ્મદ મુઇઝુને 46 ટકા મત મળ્યા હતા. માલદીવના ચૂંટણી પંચે જણાવ્યું છે કે, ચૂંટણીના બીજા રાઉન્ડમાં કુલ 12,083 નિરીક્ષકો, મોનિટર અને પ્રતિનિધિઓ સક્રિય રહેશે, જે પ્રથમ રાઉન્ડની સરખામણીએ 3,012 નો વધારો છે.

અગાઉ માલદીવની રાજધાની માલે' બંને ઉમેદવારોની જુસ્સાદાર કૂચની સાક્ષી હતી. શ્રી સોલિહે ઉત્સાહપૂર્વક મતદારોને સ્થિરતા પસંદ કરવા અને તેમને ઓફિસમાં બીજી મુદત આપવા વિનંતી કરી. દરમિયાન, ડૉ. મુઇઝુએ તેમની પ્રતિબદ્ધતાઓને જાળવી રાખવા અને જો ચૂંટાયા તો વિશ્વાસુપણે શાસન કરવાની પ્રતિજ્ઞા લીધી.

ભારતની નેબરહુડ ફર્સ્ટ પોલિસી તેમજ સાગર વિઝનમાં માલદીવ્સ મુખ્ય સ્થાન ધરાવે છે. ભારતે માલદીવને ક્ષમતા નિર્માણ અને કર્મચારીઓની તાલીમ, સુરક્ષિત હિંદ મહાસાગર ક્ષેત્રને સુનિશ્ચિત કરવા અને મુખ્ય માળખાકીય પ્રોજેક્ટ્સ દ્વારા કનેક્ટિવિટી સુધારવા માટે સંરક્ષણ ક્ષમતાઓને વેગ આપવા માટે પણ સમર્થન આપ્યું છે. આ ઉપરાંત, ભારતે દ્વીપસમૂહ રાષ્ટ્રમાં સકારાત્મક પરિવર્તન લાવતા માલદીવમાં 47 ઉચ્ચ પ્રભાવિત સામુદાયિક વિકાસ પ્રોજેક્ટ્સ સાથે મહત્વપૂર્ણ ભૂમિકા ભજવી છે.