રશિયાના રાષ્ટ્રપતિ વ્લાદીમીર પુતિને સંયુકત રાષ્ટ્ર મહાસભાના અધિવેશનને કર્યું સંબોધિત

અમેરિકાના રાષ્ટ્રપતિ જો બાઈડને સંયુકત રાષ્ટ્ર મહાસભાના 77મા અધિવેશનને સંબોધિત કર્યું હતું. સંબોધનમાં બાયઈને રશિયા પર શાબ્દીક હુમલા કર્યા હતા. રશિયાના રાષ્ટ્રપતિ વ્લાદીમીર પુતિને પણ રાષ્ટ્રને સંબોધન કર્યું હતું. પુતિને 3 લાખ રિઝર્વ સૈનિકોને તત્કાલ પ્રભાવથી યુક્રેનમાં મોકલવાની જાહેરાત કરી હતી. પુતિને આ જાહેરાત એવા સમયે કરી છે જયારે રશિયા યુક્રેનના ચાર ભાગોને જોડવાની તૈયારી કરી રહ્યું છે અને આ માટે રશિયા શુક્રવારથી જનમત સંગ્રહ શરુ કરવા જઈ રહ્યું છે. આ વિસ્તારમાં રહેતા લોકો 23 થી 27 સપ્ટેમ્બરની વચ્ચે પોતાનો મત આપી શકશે. બીજી તરફ યુક્રેન અને તેના સહયોગી દેશોએ આ જનમત સંગ્રહને ગેરકાયદે ગણાવીને રશિયા પર નિશાન સાધ્યું છે. આ દરમિયાન તેમણે કહ્યું કે પશ્ચિમી દેશો રશિયાને નષ્ટ કરવા અને નબળા પાડવાનું કાવતરું ઘડી રહ્યા છે. આ દેશોએ હદ વટાવી દીધી છે, એટલું જ નહીં પુતિને પશ્ચિમી દેશોને ચેતવણી આપી હતી કે, જો રશિયાની પ્રાદેશિક અખંડિતતાને જોખમ હશે તો તેઓ રશિયા પાસે ઉપલબ્ધ તમામ સંસાધનોનો ઉપયોગ કરશે. પુતિને કહ્યું કે આ ચેતવણીને હળવાશથી લેવાની ભૂલ ન કરવામાં આવે.