સૈયદ અકબરુદ્દીને 2019 ને સંયુક્ત રાષ્ટ્રમાં ભારતની સફળતાઓનું વર્ષ ગણાવ્યુ

સંયુક્ત રાષ્ટ્રમાં ભારતના પ્રતિનિધિ, સૈયદ અકબરુદ્દીને કહ્યું છે કે વર્ષ 2019 એ સંયુક્ત રાષ્ટ્રમાં ભારતની અનેક સફળતાઓનું વર્ષ હતું. એક ન્યૂઝ એજન્સી સાથેની વાતચીતમાં તેમણે કહ્યું કે ભારતે આતંકવાદ, જળવાયુ પરીવર્તન અને  ટકાઉ વિકાસના ક્ષેત્રોમાં સફળતા હાંસલ કરી છે. 

આતંકવાદ સામેની લડતની દ્રષ્ટિએ, 2019 માં ભારતે આતંકવાદ સામેની લડતમાં સારી સફળતા મળી. તેમણે કહ્યું કે, યુએન સિક્યુરિટી કાઉન્સિલની આંતરરાષ્ટ્રીય આતંકવાદીઓની યાદીમાં પાકિસ્તાનથી ભારત વિરુદ્ધ કાવતરું કરનાર જૈશ-એ-મોહમ્મદ માસ્ટર માઇન્ડ મસૂદ અઝહરને સમ્મિલિત કરવામાં ભારતને સફળતા મળી. તેમણે કહ્યું કે આ આતંકવાદ સામે લડવામાં ભારતના પ્રયત્નોનું મહત્વ દર્શાવે છે. સૈયદ અકબરુદ્દીને એમ પણ કહ્યું હતું કે સુરક્ષા પરિષદે પ્રથમ 14 ફેબ્રુઆરીએ પુલવામામાં સીઆરપીએફના કાફલા પરના કાયર આત્મઘાતી હુમલોની આકરી ટીકા કરી હતી. સંયુક્ત રાષ્ટ્રમાં ભારતના રાજદૂતે કહ્યું કે, વર્ષ 2019 માં ભારત પણ હાફિઝ સઈદને આતંકવાદી સૂચિમાંથી બહાર કાઢવાના પ્રયાસોને નિષ્ફળ બનાવવામાં સફળ રહ્યું હતું. જળવાયુ પરીવર્તનના ક્ષેત્રમાં વડા પ્રધાન નરેન્દ્ર મોદી દ્વારા 50 કિલોવોટ ક્ષમતાના ગાંધી સોલર પાર્કનું ઉદઘાટન પણ સંયુક્ત રાષ્ટ્રમાં ભારતનો સફળ પ્રયાસ હતો. ભારતનું આ પગલું વાતાવરણમાં પરિવર્તન અને નવીનીકરણીય ઉર્જા પ્રત્યેની તેમની પ્રતિબદ્ધતાના મામલે વાટાઘાટોની પ્રગતિ દર્શાવે છે. સંયુક્ત રાષ્ટ્રમાં ભારતની બીજી મહત્વપૂર્ણ રાજદ્વારી સફળતાનો ઉલ્લેખ કરતાં સૈયદ અકબરુદ્દીને સુરક્ષા પરિષદમાં 2021-22 માટેની ભારતની ઉમેદવારી માટેના એશિયા પેસિફિક જૂથ દ્વારા સર્વાનુમતે મંજૂરી તરફ ધ્યાન દોર્યું. વિશ્વ સંસ્થાએ ટકાઉ વિકાસ લક્ષ્યો પ્રાપ્ત કરવામાં ભારતના પ્રયાસોની પ્રશંસા કરી હતી.