આજે દેશભરમાં ઉજવવામાં આવી રહ્યો છે 48મો ભારતીય તટરક્ષક દળ દિવસ

વયન રક્ષામઃ  એટલે કે 'અમે રક્ષણ કરીએ છીએ'ના સૂત્ર સાથે દેશની દરિયાઈ સરહદોની સુરક્ષાથી લઈને દરિયામાં રાહત અને બચાવ કામગીરીની તમામ જવાબદારી તટરક્ષક દળ (કોસ્ટ ગાર્ડ) સંભાળે છે. ઈ.સ. 1977માં માત્ર સાત જહાજો સાથે અસ્તિત્વમાં આવ્યું હતું ભારતીય તટરક્ષક દળ, જે હાલ દુનિયાનું ચોથું સૌથી મોટું તટરક્ષક દળ છે. 

તે સમુદ્રમાં વિવિધ કામગીરી માટે જવાબદાર છે. ઇન્ડિયન કોસ્ટ ગાર્ડ (ICG) ભારતના દરિયાઇ હિતોનું રક્ષણ કરવા અને તેના પ્રાદેશિક જળ અને વિશિષ્ટ આર્થિક ક્ષેત્રમાં દરિયાઇ કાયદાનું પાલન થાય તેની ખાતરી કરવા માટે જવાબદાર છે. ICGની ચાર શાખાઓ છે: ઓપરેશન્સ, પર્સોનલ અને ટ્રેનિંગ, મટિરિયલ અને એડમિનિસ્ટ્રેશન. ICGનું મુદ્રાલેખ છે "વયમ રક્ષમ" જેનો અર્થ થાય છે "અમે રક્ષણ કરીએ છીએ".

ભારતીય કોસ્ટ ગાર્ડનું ઔપચારિક ઉદ્ઘાટન 19 ઓગસ્ટ 1978ના રોજ તત્કાલિન પ્રધાનમંત્રી મોરારજી દેસાઈ દ્વારા કરવામાં આવ્યું હતું. તેની શરૂઆતથી, કોસ્ટ ગાર્ડે દરિયાઈ સુરક્ષા સુનિશ્ચિત કરવા, દરિયાઈ કાયદાનો અમલ કરવા, દરિયાઈ પર્યાવરણ અને સંસાધનોનું રક્ષણ કરવા અને શોધ અને બચાવ કામગીરી હાથ ધરવા મહત્ત્વપૂર્ણ ભૂમિકા ભજવી છે.

ભારતીય કોસ્ટ ગાર્ડ (ICG) કર્મચારીઓની બહાદુરી અને પ્રતિબદ્ધતાની ઉજવણી કરવા અને તેમની મહત્વપૂર્ણ ભૂમિકા અને સિદ્ધિઓ વિશે જાગૃતિ ફેલાવવા માટે ઉજવવામાં આવે છે.ભારતીય કોસ્ટ ગાર્ડ દિવસની પરંપરાઓ અને રિવાજોમાં ધ્વજવંદન, પરેડ, સાંસ્કૃતિક કાર્યક્રમો, એવોર્ડ સમારોહ અને સામાજિક સેવા પ્રવૃત્તિઓનો સમાવેશ થાય છે.