ઉત્તર પ્રદેશના વારાણસી ખાતે આજથી ચાર દિવસીય Y-20 શિખર સંમેલનનો પ્રારંભ

ઉત્તર પ્રદેશના વારાણસી ખાતે આજથી ચાર દિવસીય યુથ-20 શિખર સંમેલનનો પ્રારંભ થયો છે. જેનું આયોજન યુવા બાબતો અને રમતગમત મંત્રાલય દ્વારા ભારતના G-20 અધ્યક્ષતાના માળખા હેઠળ કરવામાં આવી રહ્યું છે. Y-20 સમિટ એ ગુવાહાટી ખાતે ઇન્સેપ્શન મીટિંગ, લેહ, લદ્દાખ ખાતે પ્રી સમિટ અને આ મુખ્ય સમિટના ભાગરૂપે દેશભરમાં આયોજિત વિવિધ જન ભાગીદારી કાર્યક્રમો સહિત વિવિધ બેઠકોની ચરમ સીમા છે. જો કે આવતીકાલે સમિટનું ઔપચારિક ઉદ્ઘાટન થશે. ઉત્તર પ્રદેશના મુખ્યમંત્રી યોગી આદિત્યનાથ અને કેન્દ્રીય યુવા બાબતો અને રમતગમત મંત્રી અનુરાગસિંહ ઠાકુર પણ આ કાર્યક્રમમાં હાજરી આપશે. ચાર દિવસીય સમિટમાં G-20  દેશો, અતિથિ દેશો અને આંતરરાષ્ટ્રીય સંસ્થાઓના લગભગ 125  પ્રતિનિધિઓ ભાગ લઈ રહ્યા છે. આજે બેઠકના પ્રથમ દિવસે પ્રતિનિધિઓએ ઈન્ડિયન ઈન્સ્ટિટ્યૂટ ઑફ ટેક્નોલોજી, બનારસ હિંદુ યુનિવર્સિટીમાં સુપર કોમ્પ્યુટિંગસેન્ટર અને પ્રિસિઝન એન્જિનિયરિંગ હબની મુલાકાત લીધી હતી. 

સમિટ દરમિયાન, સહભાગી પ્રતિનિધિઓ Y-20ના પાંચ વિષય પર ચર્ચા કરશે. Y-20 સમિટ યુવા નિષ્ણાતો, નિર્ણય નિર્માતાઓ અને G-20 દેશોના યુવા પ્રતિનિધિઓને વાટાઘાટ કરવા, અંતિમ સ્વરૂપ આપવા અને છેલ્લા કેટલાક મહિનાઓ દરમિયાન હાથ ધરવામાં આવેલી ચર્ચાઓના નિષ્કર્ષમાંથી બનાવેલ Y-20 વાતચીત પર હસ્તાક્ષર કરવા માટે એકસાથે લાવશે. આ Y-20 કોમ્યુનિકે પાંચ ઓળખાયેલ વિષયને આવરી લેતા ભારતના સામાન્ય દ્રષ્ટિકોણના પદાર્થનું પ્રદર્શન કરશે.