કેન્દ્રીય મંત્રીમંડળે 25,000કરોડ રૂ.ના ખર્ચે 'નિકાસ પ્રમોશન મિશન (EPM)'ને આપી મંજૂરી

કેન્દ્રીય મંત્રીમંડળે 25,000કરોડ રૂ.ના ખર્ચે 'નિકાસ પ્રમોશન મિશન (EPM)'ને આપી મંજૂરી

કેન્દ્રીય મંત્રીમંડળે ભારતના નિકાસ ક્ષેત્રને મોટો વેગ આપવા માટે 'નિકાસ પ્રમોશન મિશન (EPM)' ને મંજૂરી આપી દીધી છે. આ મિશનનો કુલ ખર્ચ રૂપિયા 25000 કરોડથી વધુ રાખવામાં આવ્યો છે.

આ પહેલ ભારતીય નિકાસ સ્પર્ધાત્મકતાને મજબૂત બનાવવા માટે, ખાસ કરીને MSME ક્ષેત્ર, પહેલી વાર નિકાસ કરનારાઓ અને શ્રમ-સઘન ક્ષેત્રો માટે, બજેટ ૨૦૨૫-૨૬માં જાહેર કરાયેલી એક મુખ્ય યોજના છે.

કેન્દ્રીય મંત્રી અશ્વિની વૈષ્ણવે આ અંગે માહિતી આપતાં જણાવ્યું હતું કે:

"આ મિશન નાણાકીય વર્ષ 2025-26 થી નાણાકીય વર્ષ 2030-31 સુધી નિકાસ પ્રમોશન માટે એક વ્યાપક, લવચીક અને ડિજિટલી સંચાલિત માળખું પૂરું પાડશે."

આ યોજના દ્વારા દેશની નિકાસમાં વૃદ્ધિ, વૈશ્વિક બજારોમાં ભારતની ભાગીદારીમાં વધારો અને રોજગારીની તકોના સર્જન પર ધ્યાન કેન્દ્રિત કરવામાં આવશે.