કેન્દ્રીય વાણિજ્ય અને ઉદ્યોગ મંત્રી પીયૂષ ગોયલ નવી દિલ્હીમાં ચેક પોઇન્ટ સોફ્ટવેર ના CEO નદવ જાફરી સાથે કરી મુલાકાત

કેન્દ્રીય મંત્રી પીયૂષ ગોયલે ચેક પોઇન્ટ સોફ્ટવેર અને નિપ્પોન લાઇફ ઇન્ડિયાના CEO સાથે કરી મહત્ત્વપૂર્ણ બેઠકો

કેન્દ્રીય વાણિજ્ય અને ઉદ્યોગ મંત્રી પીયૂષ ગોયલે નવી દિલ્હી ખાતે અગ્રણી વૈશ્વિક ટેક્નોલોજી અને નાણાકીય ક્ષેત્રના દિગ્ગજો સાથે મહત્ત્વપૂર્ણ બેઠકો યોજી હતી. આ બેઠકો દરમિયાન ભારતમાં ટેક્નોલોજીનો વ્યાપ વધારવા, ડિજિટલ સુરક્ષા મજબૂત કરવા અને નાણાકીય બજારોમાં રોકાણને પ્રોત્સાહન આપવા જેવા મહત્ત્વના મુદ્દાઓ પર ચર્ચા કરવામાં આવી હતી.  

ચેક પોઇન્ટ સોફ્ટવેરના CEO સાથે ડિજિટલ સુરક્ષા અને AI પર ચર્ચા

કેન્દ્રીય મંત્રી પીયૂષ ગોયલે 'ચેક પોઇન્ટ સોફ્ટવેર'ના ચીફ એક્ઝિક્યુટિવ ઓફિસર (CEO)નદવ જાફરી સાથે મુલાકાત કરી હતી.  

બંને અગ્રણીઓ વચ્ચે ભારતમાં કંપનીના વધતા પગપેસારા અને વ્યાપ અંગે ચર્ચા થઈ.  ભારતમાં રિસર્ચ એન્ડ ડેવલપમેન્ટ ક્ષેત્રનો વિસ્તાર કરવા માટેની સંભાવનાઓ તપાસવામાં આવી. ભારતના ડિજિટલ જાહેર માળખાને સાયબર જોખમો સામે સુરક્ષિત રાખવા માટે આર્ટિફિશિયલ ઇન્ટેલિજન્સ આધારિત સુરક્ષા પ્રણાલીનો ઉપયોગ કરવા પર ભાર મૂકવામાં આવ્યો.

નિપ્પોન લાઇફ ઇન્ડિયાના CEO સાથે રિટેલ રોકાણ વધારવા પર મંથન

આ ઉપરાંત, પીયૂષ ગોયલે 'નિપ્પોન લાઇફ ઇન્ડિયા એસેટ મેનેજમેન્ટ લિમિટેડ' ના મેનેજિંગ ડિરેક્ટર અને CEO સુંદીપ સિક્કા સાથે પણ બેઠક યોજી હતી.

આ બેઠકના મુખ્ય મુદ્દાઓ:

ભારતીય બજારોમાં રિટેલ રોકાણનું પ્રમાણ કેવી રીતે વધારી શકાય તે અંગે વિસ્તૃત ચર્ચા થઈ.ભારતીય મૂડી બજારોમાં વધુમાં વધુ વૈશ્વિક રોકાણ અને વૈશ્વિક મૂડી આકર્ષવાની તકો પર વિશેષ ધ્યાન કેન્દ્રિત કરવામાં આવ્યું.

આ બેઠકો દ્વારા ભારતમાં ટેક્નોલોજી ક્ષેત્રે સુરક્ષાનું મજબૂત માળખું ઊભું કરવા તેમજ નાણાકીય ક્ષેત્રે રોકાણની નવી તકો ખોલવા માટે સરકારની કટિબદ્ધતા સ્પષ્ટ થાય છે.