કોલકત્તામાં ઇન્ડિગોની ફ્લાઇટના ટોઇલેટમાંથી મળી બોમ્બની ધમકીભરી ચિઠ્ઠી

કોલકાતાના નેતાજી સુભાષ ચંદ્ર બોઝ ઇન્ટરનેશનલ એરપોર્ટ પર આજે તે સમયે અફરાતફરી મચી ગઈ જ્યારે કોલકાતાથી શિલોંગ જતી ઇન્ડિગોની ફ્લાઇટમાં બોમ્બ હોવાની ધમકી મળી હતી. આ ધમકી વિમાનના શૌચાલયમાંથી એક હસ્તલિખિત નોંધ (ચિઠ્ઠી) સ્વરૂપે મળી આવતા સુરક્ષા એજન્સીઓ દોડતી થઈ ગઈ હતી.

કોલકાતાના નેતાજી સુભાષ ચંદ્ર બોઝ ઇન્ટરનેશનલ એરપોર્ટ પર આજે તે સમયે અફરાતફરી મચી ગઈ જ્યારે કોલકાતાથી શિલોંગ જતી ઇન્ડિગોની ફ્લાઇટમાં બોમ્બ હોવાની ધમકી મળી હતી. આ ધમકી વિમાનના શૌચાલયમાંથી એક હસ્તલિખિત નોંધ (ચિઠ્ઠી) સ્વરૂપે મળી આવતા સુરક્ષા એજન્સીઓ દોડતી થઈ ગઈ હતી.

ક્રૂ મેમ્બરની નજરે પડી ધમકીભરી ચિઠ્ઠી
મળતી માહિતી મુજબ, ઇન્ડિગોની ફ્લાઇટ 6E-7304 કોલકાતાથી શિલોંગ માટે ઉડાન ભરવાની તૈયારીમાં હતી. આ દરમિયાન પ્લેનના ક્રૂ મેમ્બરને વિમાનના શૌચાલય (લેવેટરી) માંથી એક કાગળ મળી આવ્યો હતો, જેમાં બોમ્બ હોવાનો ઉલ્લેખ કરવામાં આવ્યો હતો. ક્રૂ મેમ્બરે તાત્કાલિક આ બાબતે પાઈલટ અને એરપોર્ટ ઓથોરિટીને જાણ કરી હતી.

તમામ મુસાફરો સુરક્ષિત, વિમાનનું સઘન ચેકિંગ
ધમકી મળતા જ પ્રોટોકોલ મુજબ વિમાનને રનવે પરથી હટાવીને તાત્કાલિક આઇસોલેશન બે (Isolation Bay) માં ખસેડવામાં આવ્યું હતું. સુરક્ષાના ભાગરૂપે નીચે મુજબના પગલાં લેવામાં આવ્યા છે. જેમાં વિમાનમાં સવાર તમામ મુસાફરોને સુરક્ષિત રીતે નીચે ઉતારવામાં આવ્યા છે. સ્ટાન્ડર્ડ ઓપરેટિંગ પ્રોસિજર (SOP) મુજબ બોમ્બ સ્ક્વોડ અને સ્નિફર ડોગ્સ દ્વારા વિમાનના ખૂણેખૂણાની તપાસ કરવામાં આવી રહી છે. મુસાફરોનો તમામ સામાન પણ ફરીથી ચેક કરવામાં આવ્યો છે.

તંત્ર એલર્ટ મોડ પર
એરપોર્ટ સુરક્ષા સમિતિ અને એરલાઇન્સના અધિકારીઓ આ મામલે તપાસ કરી રહ્યા છે કે આ ચિઠ્ઠી કોણે અને કયા હેતુથી મૂકી હતી. હાલમાં એરપોર્ટ પર સુરક્ષા વધારી દેવામાં આવી છે અને ફ્લાઇટ કામગીરી પર તેની અસર જોવા મળી રહી છે.