ચૂંટણી પંચે ચૂંટણી સંબંધિત પ્રવૃત્તિઓમાં બાળકોને સીધી રીતે સામેલ કરવા અંગે કડક માર્ગદર્શિકા બહાર પાડી

ચૂંટણી પંચે ચૂંટણી સંબંધિત પ્રવૃત્તિઓમાં બાળકોને સીધી રીતે સામેલ કરવા અંગે કડક માર્ગદર્શિકા જારી કરી છે. ચૂંટણી પંચે રાજકીય પક્ષોને પોસ્ટર, પ્રચાર સામગ્રી, રેલી અને ચૂંટણી સભા સહિત કોઈપણ પ્રકારના ચૂંટણી પ્રચારમાં બાળકોને સામેલ ન કરવાની સલાહ આપી છે.

આયોગે આવા કોઈપણ મામલામાં ઝીરો ટોલરન્સની નીતિ અંગે સ્પષ્ટ સૂચના આપી છે. તેમાં કહેવામાં આવ્યું છે કે બાળકની ચૂંટણી પ્રચાર પ્રવૃત્તિમાં કોઈ પણ નેતા સાથે તેના માતાપિતાની હાજરીમાં ભાગ લેવો તે માર્ગદર્શિકાનું ઉલ્લંઘન માનવામાં આવશે નહીં.

ચૂંટણી પંચે તમામ રાજકીય પક્ષો અને ઉમેદવારોને બાળ મજૂરી નિષેધ અને નિયમન કાયદાનું કડક પાલન સુનિશ્ચિત કરવા જણાવ્યું છે. તે કહે છે કે આ જોગવાઈઓનું કોઈપણ ઉલ્લંઘન ચૂંટણી પંચ દ્વારા તેના અધિકારક્ષેત્રમાં ગંભીર શિસ્તભંગના પગલાંને પાત્ર રહેશે.