ડિજિટલ ટ્રાન્ઝેક્શનને પ્રોત્સાહન આપવા માટે, સેન્ટ્રલ બેંકે UPI Lite માટે પ્રતિ ટ્રાન્ઝેક્શન મર્યાદા હાલના રૂ.200 થી વધારીને રૂ. 500 કરી

ભારતીય રિઝર્વ બેંકે UPI પર સંવાદો દ્વારા ચૂકવણી શરૂ કરવાની દરખાસ્ત કરી છે. આ સિસ્ટમ ગ્રાહકોને આર્ટિફિશિયલ ઈન્ટેલિજન્સ દ્વારા સંચાલિત વાતચીત દ્વારા વ્યવહાર કરવાની મંજૂરી આપશે. રિઝર્વ બેંકના ગવર્નર શક્તિકાંત દાસે કહ્યું કે, આ ચેનલ સ્માર્ટ ફોન અને ફીચર ફોન આધારિત UPI ચેનલો પર ઉપલબ્ધ હશે. શરૂઆતમાં આ સુવિધા અંગ્રેજી અને હિન્દી માધ્યમમાં ઉપલબ્ધ હશે. બાદમાં આ સુવિધા અન્ય ભારતીય ભાષાઓમાં પણ આપવામાં આવશે. કેન્દ્રીય બેંકે UPI ટ્રાન્ઝેક્શનમાં નિયર ફિલ્ડ કોમ્યુનિકેશન ટેક્નોલોજીનો ઉપયોગ કરવાની પણ દરખાસ્ત કરી છે. આરબીઆઈએ UPI લાઇટ ટ્રાન્ઝેક્શનની મર્યાદા રૂ. 200 થી વધારીને રૂ. 500 કરી છે, પરંતુ એકંદર નાના ડિજિટલ ટ્રાન્ઝેક્શનની મર્યાદા રૂ. 2,000 પર યથાવત રાખી છે.