પીએમ મોદીએ રશિયાના ઉપપ્રધાનમંત્રી ડેનિસ માન્તુરોવ સાથે ફોન પર વાત કરી

પ્રધાનમંત્રી નરેન્દ્ર મોદીએ સોમવારે રશિયાના ઉપપ્રધાનમંત્રી ડેનિસ માન્તુરોવ સાથે ફોન પર વાત કરી હતી. ચર્ચા દરમિયાન, બંને નેતાઓએ વેપાર, આર્થિક સંબંધો, ઉર્જા અને કનેક્ટિવિટી જેવા મહત્વના ક્ષેત્રોમાં દ્વિપક્ષીય સહયોગ વધારવા અંગે તેમના વિચારો શેર કર્યા.

પીએમ મોદીએ રશિયાની તેમની તાજેતરની મુલાકાત દરમિયાન રાષ્ટ્રપતિ વ્લાદિમીર પુતિન સાથેની બેઠકોમાં લીધેલા નિર્ણયોને અમલમાં મૂકવા માટે બંને પક્ષો દ્વારા સતત પ્રયત્નો કરવામાં આવી રહ્યા હોવાની પ્રશંસા કરી હતી.

પ્રધાનમંત્રી મોદીએ બંને દેશો વચ્ચે વિવિધ ક્ષેત્રોના વિકાસમાં સહયોગની આશા વ્યક્ત કરી હતી. આ વાટાઘાટો ભારત અને રશિયા વચ્ચે વિશેષ અને વિશેષાધિકૃત વ્યૂહાત્મક ભાગીદારીને વધુ મજબૂત કરવાની પ્રતિબદ્ધતાને પ્રતિબિંબિત કરે છે.