પ્રધાનમંત્રી 12 માર્ચ ગુજરાત અને રાજસ્થાનની મુલાકાતે, 10 નવી વંદે ભારત ટ્રેનોને લીલી ઝંડી આપશે

પ્રધાનમંત્રી 12મી માર્ચના રોજ ગુજરાત અને રાજસ્થાનની મુલાકાત લેશે. પ્રધાનમંત્રી સવારે લગભગ 9:15 વાગ્યે, અમદાવાદ ખાતે રૂ. 85,000 કરોડથી વધુના મૂલ્યના વિવિધ વિકાસલક્ષી પ્રોજેક્ટનો શિલાન્યાસ અને રાષ્ટ્રને સમર્પિત કરશે. ત્યારબાદ સવારે 10 વાગે પ્રધાનમંત્રી સાબરમતી આશ્રમની મુલાકાત લેશે, જ્યાં તેઓ કોચરબ આશ્રમનું ઉદઘાટન કરશે અને ગાંધી આશ્રમ સ્મારકનાં માસ્ટર પ્લાનનો શુભારંભ કરશે.

પ્રધાનમંત્રી અમદાવાદમાં રેલવેનાં માળખાગત સુવિધા અને કનેક્ટિવિટીને મોટું પ્રોત્સાહન આપવા પ્રધાનમંત્રી અમદાવાદમાં DFCનાં ઓપરેશન કન્ટ્રોલ સેન્ટરની મુલાકાત લેશે અને રૂ. 85,000 કરોડથી વધુના મૂલ્યનાં રેલવે પ્રોજેક્ટનું ખાતમુહૂર્ત અને લોકાર્પણ કરશે. પ્રધાનમંત્રી રેલવે કાર્યશાળાઓ, લોકો શેડ, પિટ લાઇન/કોચિંગ ડેપોનો શિલાન્યાસ કરશે. પ્રધાનમંત્રી અમદાવાદથી દેશમાં 10 નવી વંદે ભારત ટ્રેનોને વર્ચ્યુઅલી લીલી ઝંડી પણ આપશે. તેમાં અમદાવાદ-મુંબઈ સેન્ટ્રલ, સિકંદરાબાદ-વિશાખાપટ્ટનમ, મૈસૂર-ડૉ. એમજીઆર સેન્ટ્રલ (ચેન્નાઈ), પટણા-લખનઉ, ન્યૂ જલપાઈગુડી-પટના, પુરી-વિશાખાપટ્ટનમ, લખનઉ-દહેરાદૂન, કલબુર્ગી- સર એમ વિશ્વેશ્વરૈયા ટર્મિનલ બેંગલુરુ, રાંચી-વારાણસી, ખજુરાહો-દિલ્હી (નિઝામુદ્દીન)ની વંદે ભારત ટ્રેનનો સમાવેશ થાય છે. આ સાથે વંદે ભારતની ચાર ટ્રેનોના વિસ્તરણને પણ લીલી ઝંડી આપશે. જેમાં અમદાવાદ-જામનગર વંદે ભારત દ્વારકા, અજમેર-દિલ્હી સુધી લંબાવવામાં આવી રહી છે. તો સરાય રોહિલ્લા વંદે ભારત ચંદીગઢ, ગોરખપુર-લખનઉ સુધી લંબાવવામાં આવી છે. તિરુવનંતપુરમ-કાસરગોડ વંદે ભારત મેંગલુરુ સુધી લંબાવવાઈ છે. આસનસોલ, હટિયા, તિરુપતિ અને કોલ્લમ સ્ટેશનો વચ્ચે 2 નવી પેસેન્જર ટ્રેન પણ શરૂ કરાઈ છે. આ સાથે ન્યૂ ખુર્જા જેએન, સાહનેવાલ, ન્યૂ રેવાડી, ન્યૂ કિશનગઢ, ન્યૂ ઘોલવાડ અને ન્યૂ મકરપુરાથી ડેડિકેટેડ ફ્રેઇટ કોરિડોર પર માલવાહક ટ્રેનોને લીલી ઝંડી પણ આપશે. 

પ્રધાનમંત્રી રેલવે સ્ટેશનો પર 50 પ્રધાનમંત્રી જનઔષધિ કેન્દ્રો દેશને સમર્પિત કરશે. દેશને 51 ગતિમાન શક્તિ મલ્ટિ-મોડલ કાર્ગો ટર્મિનલ્સ પણ અર્પણ કરશે. 80 વિભાગોમાં 1045 આરકેએમ ઓટોમેટિક સિગ્નલિંગ દેશને સમર્પિત કરશે. દેશના 2646 સ્ટેશનો પર ડિજિટલ કન્ટ્રોલિંગ સમર્પિત કરશે. 35 રેલ કોચ રેસ્ટોરાં દેશને અર્પણ કરશે. દેશભરમાં પથરાયેલા 1500થી વધારે એક સ્ટેશન, એક પ્રોડક્ટ સ્ટોલ દેશને અર્પણ કરશે. પ્રધાનમંત્રી 975 સ્થળો પર સૌર ઊર્જાથી સંચાલિત સ્ટેશનો/ઇમારતો દેશને સમર્પિત કરશે. 

અમદાવાદના સાબરમતીમાં પ્રધાનમંત્રી પુનઃવિકસિત થયેલા કોચરબ આશ્રમનું ઉદઘાટન કરશે. ગાંધી આશ્રમ સ્મારકના માસ્ટર પ્લાનનું લોકાર્પણ પણ કરશે. આ માસ્ટરપ્લાન અંતર્ગત આશ્રમનો હાલનો પાંચ એકર વિસ્તાર 55 એકર વિસ્તારવામાં આવશે. 36 હાલની ઇમારતોને પુન:સ્થાપિત કરવામાં આવશે, જેમાંથી, 'હૃદય કુંજ' સહિત 20 ઇમારતો, જેણે ગાંધીના નિવાસસ્થાન તરીકે સેવા આપી હતી, તેનું સંરક્ષણ કરવામાં આવશે, 13 પુન:સ્થાપનમાંથી પસાર થશે, અને 3 નું પુનરુત્પાદન કરવામાં આવશે. માસ્ટરપ્લાનમાં નવી ઇમારતોથી માંડીને વહીવટી સુવિધાઓ, ઓરિએન્ટેશન સેન્ટર જેવી મુલાકાતીઓની સુવિધાઓ, ચરખા સ્પિનિંગ પર ઇન્ટરેક્ટિવ વર્કશોપ, હાથથી બનાવેલા કાગળ, સુતરાઉ વણાટ અને ચામડાનું કામ અને જાહેર ઉપયોગિતાઓ સામેલ છે. આ ઇમારતોમાં ગાંધીજીના જીવનના પાસાઓ તેમજ આશ્રમના વારસાને પ્રદર્શિત કરવા માટે ઇન્ટરેક્ટિવ પ્રદર્શનો અને પ્રવૃત્તિઓ રાખવામાં આવશે. ગાંધીજીના વિચારોના જતન, સંરક્ષણ અને પ્રસાર માટે એક પુસ્તકાલય અને આર્કાઇવ્સ બિલ્ડિંગની રચનાની પણ કલ્પના કરવામાં આવી છે. તે આશ્રમની લાઇબ્રેરી અને આર્કાઇવ્સનો ઉપયોગ કરવા માટે મુલાકાતી વિદ્વાનો માટે સુવિધાઓ પણ ઉભી કરશે.

પ્રધાનમંત્રી બપોરે 1:45 વાગ્યે રાજસ્થાનનાં પોખરણમાં ટ્રાઇ-સર્વિસીસ લાઇવ ફાયર એન્ડ દાવપેચ કવાયતનાં સ્વરૂપે સ્વદેશી સંરક્ષણ ક્ષમતાઓનું સંયુક્ત પ્રદર્શન 'ભારત શક્તિ'નાં સાક્ષી બનશે. આ કવાયત 'ભારત શક્તિ'માં સ્વદેશી શસ્ત્ર પ્રણાલીઓ અને મંચોની શ્રેણીને પ્રદર્શિત કરવામાં આવશે, જેનો આધાર દેશની પરમાણુ પહેલ પર આધારિત છે. આ કવાયતમાં ભાગ લેનારી મુખ્ય ઉપકરણ અને શસ્ત્ર પ્રણાલીઓમાં ટી-90 (આઇએમ) ટેન્ક્સ, ધનુષ અને સારંગ ગન સિસ્ટમ્સ, આકાશ વેપન્સ સિસ્ટમ, લોજિસ્ટિક્સ ડ્રોન્સ, રોબોટિક મ્યુલ્સ, એડવાન્સ લાઇટ હેલિકોપ્ટર (એએલએચ) અને અન્ય અનેક માનવરહિત હવાઈ વાહનોનો સમાવેશ થાય છે, ભારતીય નૌકાદળ નેવલ એન્ટિ-શિપ મિસાઇલ્સ, ઓટોનોમસ કાર્ગો કેરીઇંગ એરિયલ વ્હિકલ્સ અને એક્સપેન્ડેબલ એરિયલ ટાર્ગેટ્સ પ્રદર્શિત કરશે. ભારતીય હવાઈ દળ સ્વદેશી રીતે વિકસિત લાઇટ કોમ્બેટ એરક્રાફ્ટ તેજસ, લાઇટ યુટિલિટી હેલિકોપ્ટર્સ અને એડવાન્સ લાઇટ હેલિકોપ્ટર્સ તૈનાત કરશે.