બિહાર મતદાર યાદી કેસ: સુપ્રીમ કોર્ટમાં આજે પણ સુનાવણી

બિહાર મતદાર યાદી કેસ: સુપ્રીમ કોર્ટમાં આજે પણ સુનાવણી

બિહારમાં ચાલી રહેલા મતદાર યાદી સુધારણા કેસમાં આજે પણ સુપ્રીમ કોર્ટમાં સુનાવણી ચાલુ રહેશે. ગઈકાલે થયેલી સુનાવણી દરમિયાન, કોર્ટે ચૂંટણી પંચના એ નિર્ણયને યોગ્ય ગણાવ્યો હતો જેમાં મતદાર યાદી સુધારણા માટે આધાર કાર્ડ અને રાશન કાર્ડને પુરાવા તરીકે સામેલ કરવાનો ઇનકાર કરવામાં આવ્યો હતો.

અરજદારો તરફથી વરિષ્ઠ વકીલો કપિલ સિબ્બલ અને અભિષેક મનુ સિંઘવીએ દલીલ કરી હતી કે બિહારના ઘણા લોકો પાસે એવા દસ્તાવેજો નથી જે ચૂંટણી પંચ દ્વારા માંગવામાં આવી રહ્યા છે. આ દલીલ પર જસ્ટિસ સૂર્યકાંતે ટિપ્પણી કરી હતી કે, "બિહાર પણ દેશનો જ એક ભાગ છે. જો બિહારના લોકો પાસે યોગ્ય પુરાવા નથી, તો એવું માની શકાય નહીં કે દેશના અન્ય કોઈ ભાગમાં રહેતા નાગરિકો પાસે પણ પુરાવા નથી."

આજે પણ આ કેસની સુનાવણી ચાલુ રહેવાની શક્યતા છે, જેમાં બંને પક્ષો દ્વારા વધુ દલીલો રજૂ કરવામાં આવશે. આ કેસનો ચુકાદો બિહારમાં યોજાનારી ચૂંટણીઓ અને મતદાર યાદી સુધારણા પ્રક્રિયા પર મોટી અસર કરી શકે છે.