ભારત-વેસ્ટ ઈન્ડિઝ વચ્ચે આજથી T20 શ્રેણીનો પ્રારંભ

ભારત-વેસ્ટ ઈન્ડિઝ વચ્ચે આજથી T20 શ્રેણીનો પ્રારંભ: લખનૌના એકાના સ્ટેડિયમમાં રમાશે પ્રથમ મુકાબલો

ભારત અને વેસ્ટ ઈન્ડિઝ વચ્ચે 5 મેચની રોમાંચક T20 શ્રેણીનો આજથી પ્રારંભ થઈ રહ્યો છે. શ્રેણીની આ પ્રથમ મેચ આજે સાંજે 7:00 વાગ્યે લખનૌના અત્યાધુનિક ભારત રત્ન શ્રી અટલ બિહારી વાજપેયી એકાના ક્રિકેટ સ્ટેડિયમ ખાતે રમાશે.

યુવા અને વિજેતા ટીમ સાથે મેદાનમાં ઉતરશે ભારત
આ શ્રેણી માટે ભારતીય ટીમમાં ઉત્સાહ અને જોશ જોવા મળી રહ્યો છે. વિશેષતા એ છે કે એશિયન ગેમ્સમાં શાનદાર વિજય મેળવનારી અને પાકિસ્તાનને ધૂળ ચટાડનારી ભારતીય ક્રિકેટ ટીમના ૧૪ માંથી ૧૨ ખેલાડીઓ આ T20 શ્રેણીનો મુખ્ય હિસ્સો છે. યુવા ખેલાડીઓથી સજ્જ આ ટીમ પાસેથી પ્રશંસકોને ફરી એકવાર શાનદાર પ્રદર્શનની અપેક્ષા છે.
 
ઘરેલુ મેદાન પર રમાઈ રહેલી આ શ્રેણીમાં વિજયી શરૂઆત કરવા માટે બંને ટીમો વચ્ચે કાંટાની ટક્કર જોવા મળશે. ક્રિકેટપ્રેમીઓમાં આ મહામુકાબલાને લઈને ભારે ઉત્સાહ જોવા મળી રહ્યો છે.