વિદેશ મંત્રી ડૉ. એસ. જયશંકરનો ડોમિનિકન ગણરાજ્યનો ત્રણ દિવસીય પ્રવાસ આજથી થશે શરૂ

વિદેશ મંત્રી ડૉ. એસ. જયશંકર આજથી ડોમિનિકન રિપબ્લિકની બે દિવસીય મુલાકાતે છે. અગાઉ ડૉ. એસ. જયશંકર તેમના કોલંબિયાના સમકક્ષને મળ્યા હતા. બંને નેતાઓએ વિવિધ દ્વિપક્ષીય મુદ્દાઓ પર ચર્ચા કરી. આ સાથે વર્ષ 2023- 2026 માટે સાંસ્કૃતિક વિનિમય કાર્યક્રમ પર હસ્તાક્ષર કરવામાં આવ્યા હતા. આ ઉપરાંત બંને નેતાઓએ બહુપક્ષીયતાના મુદ્દા પર પણ ચર્ચા કરી હતી. જેમાં આરોગ્ય, કૃષિ અને ડીજીટલ ક્ષેત્રે દ્વિપક્ષીય સહયોગ વધારવા પોતપોતાના વિચારો રજૂ કર્યા હતા. હિંદ-પ્રશાંત સહિતના વૈશ્વિક મુદ્દાઓ પર પણ ચર્ચા કરી હતી. વિદેશમંત્રી કોલંબિયાની સેનેટના સેકન્ડ વાઈસ પ્રેસિડેન્ટને પણ મળ્યા. અને આરોગ્ય સહયોગ, ઉર્જા અને ટેકનોલોજી પર ચર્ચા કરી હતી.