70માં રાષ્ટ્રીય ફિલ્મ પુરસ્કારની જાહેરાત, માનસી પારેખને કચ્છ એક્સપ્રેસ માટે શ્રેષ્ઠ અભિનેત્રીનો એવોર્ડ

આજે શુક્રવારે (16 ઓગસ્ટ)ના રોજ 70માં રાષ્ટ્રીય ફિલ્મ પુરસ્કારોની જાહેરાત કરવામાં આવી હતી. જેમાં મનોજ બાજપેયી અને શર્મિલા ટાગોરની ફિલ્મ ગુલમોહરને બેસ્ટ હિન્દી ફિલ્મ માટે પસંદ કરવામાં આવી હતી. કંતારાને બેસ્ટ એક્ટર અને બેસ્ટ ફિલ્મનો એવોર્ડ મળ્યો. ઋષભ શેટ્ટીને ફિલ્મ કાંટારા માટે શ્રેષ્ઠ અભિનેતા તરીકે પસંદ કરવામાં આવ્યો હતો. જ્યારે નિત્યા મેનેનને ફિલ્મ તિરુચિત્રંબલમ માટે શ્રેષ્ઠ અભિનેત્રીનો અને માનસી પારેખને કચ્છ એક્સપ્રેસ માટે શ્રેષ્ઠ અભિનેત્રીનો એવોર્ડ મળ્યો હતો.

સૂરજ બડજાત્યા સર્વશ્રેષ્ઠ દિગ્દર્શક બન્યા

સૂરજ બડજાત્યાને ઉત્ચા ફિલ્મ માટે શ્રેષ્ઠ દિગ્દર્શકનો એવોર્ડ મળ્યો છે. આ ફિલ્મ માટે નીના ગુપ્તાને બેસ્ટ સપોર્ટિંગ એક્ટ્રેસનો એવોર્ડ પણ મળ્યો છે. અરિજિત સિંહને બેસ્ટ મેલ પ્લેબેક સિંગિંગ કેટેગરીમાં બ્રહ્માસ્ત્ર માટે એવોર્ડ મળ્યો છે.

ગયા વર્ષે, અલ્લુ અર્જુનને પુષ્પા ફિલ્મ માટે શ્રેષ્ઠ અભિનેતાનો એવોર્ડ મળ્યો હતો. અલ્લુ આ સન્માન મેળવનાર પ્રથમ તેલુગુ અભિનેતા હતા. ગંગુબાઈ કાઠિયાવાડી માટે આલિયા ભટ્ટ અને મિમી માટે કૃતિ સેનનને સંયુક્ત રીતે શ્રેષ્ઠ અભિનેત્રીનો એવોર્ડ મળ્યો હતો.

રાષ્ટ્રીય ફિલ્મ પુરસ્કાર 1954 માં શરૂ થયો હતો

રાષ્ટ્રીય ફિલ્મ પુરસ્કાર દેશનો સૌથી પ્રતિષ્ઠિત ફિલ્મ પુરસ્કાર છે. તેની શરૂઆત 1954માં થઈ હતી. સર્વશ્રેષ્ઠ ફિલ્મ શ્રેણીમાં પ્રથમ રાષ્ટ્રીય પુરસ્કાર મરાઠી ફિલ્મ 'શ્યામચી આયી'ને આપવામાં આવ્યો હતો. આ કાર્યક્રમનું આયોજન કેન્દ્રીય માહિતી અને પ્રસારણ મંત્રાલય દ્વારા કરવામાં આવ્યું છે. આ પછી રાષ્ટ્રપતિ આ પુરસ્કારોનું વિતરણ કરે છે.