દીવના ગંગેશ્વર મહાદેવ મંદિરમાં પર્યટકોની ભારે ભીડ

ફિલ્મ હસ્તીઓ અને ઔદ્યોગિક જગતના માંધાતાઓ પણ આવે છે દર્શનાર્થે

શ્રાવણ મહિનામાં દીવના ગંગેશ્વર મહાદેવ મંદિરમા દીવના લોકો તથા આજુબાજુના વિસ્તારના લોકો અને પર્યટકોની ખૂબ જ ભીડ જોવા મળી રહી છે. ગંગેશ્વર મહાદેવનું આ મંદિર ખૂબ જ લોકપ્રિય અને શ્રદ્ધા ધરાવે છે આ મંદિરના દર્શન કરવા રાજનીતિના અને ઓદ્યોગિક જગતનાં માધાંતાઓ તેમજ ફિલ્મ ઇન્ડસ્ટ્રીઝની હસ્તીઓ અહીં દર્શન કરવા આવે છે. એવું માનવામાં આવે છે કે આ મંદિર પાંચ હજાર વર્ષ જૂનું છે મહાભારતકાળમા અજ્ઞાતવાસ દરમ્યાન પાંડવોએ પોતાના કદ અનુસાર તેની રચના કરેલી હતી. આ મંદિરમાં પાંચ શિવલિંગ છે જેનો અભિષેક દરિયાદેવ પોતાના મોજાથી નિરંતર કરે છે.દરિયામાં ભરતી હોય ત્યારે દ્રશ્ય ખૂબ જ અનેરું જોવા મળ્યું લોકો શ્રદ્ધાપૂર્વક પૂજા કરી હતી પર્યટકો આ દ્રશ્ય જોઈ અચંબિત રહ્યા હતા ભારત દેશમાં ફક્ત એક જ મંદિર છે જેમાં પાંચ શિવલિંગ છે અને તેનું અભિષેક દરિયા દેવ ની અંદર પાંચ હજાર વર્ષથી કરે છે.