પ્રધાનમંત્રી નરેન્દ્ર મોદીએ નવી દિલ્હીમાં એશિયન ગેમ્સમાં ભાગ લીધેલ ખેલાડીઓ સાથે વાત કરી

એશિયન ગેમ્સમાં ભારતીય ખેલાડીઓનું ઉત્કૃષ્ટ પ્રદર્શન તેમની સાચી રમત ભાવનાનું ઉત્તમ ઉદાહરણ : પ્રધાનમંત્રી નરેન્દ્ર મોદી

પ્રધાનમંત્રી નરેન્દ્ર મોદીએ કહ્યું હતું કે, એશિયન ગેમ્સમાં ભારતીય ખેલાડીઓનું શાનદાર પ્રદર્શન તેમની સાચી રમત ભાવનાનું ઉત્તમ ઉદાહરણ છે. આજે નવી દિલ્હીમાં એશિયન ગેમ્સમાં ભાગ લઈ રહેલા ભારતીય ખેલાડીઓની ટુકડી સાથે વાતચીત કરતી વખતે પ્રધાનમંત્રીએ કહ્યું કે, તમારી મહેનત અને સિદ્ધિઓને કારણે સમગ્ર દેશમાં ઉજવણીનું વાતાવરણ છે. પ્રધાનમંત્રીએ જણાવ્યું હતું કે, એશિયન ગેમ્સમાં ભારતનું અત્યાર સુધીનું આ સર્વશ્રેષ્ઠ પ્રદર્શન છે.  ભારતીય ખેલાડીઓએ ઈતિહાસ રચ્યો છે અને મને ખુશી છે કે અમે સાચા રસ્તે આગળ વધી રહ્યા છીએ. પ્રધાનમંત્રીએ કહ્યું હતું કે, આ ખેલાડીઓએ આવનારી પેઢીઓ માટે માર્ગ મોકળો કર્યો છે. એશિયન ગેમ્સમાં શાનદાર પ્રદર્શનથી ઓલિમ્પિકમાં અમારા ખેલાડીઓનો આત્મવિશ્વાસ વધશે. એશિયન ગેમ્સમાં મહિલા ખેલાડીઓના પ્રદર્શનની પ્રશંસા કરતા પ્રધાનમંત્રી નરેન્દ્ર  મોદીએ  જણાવ્યું હતું કે, ભારતની 'નારી શક્તિ'એ અનુકરણીય પ્રદર્શન કર્યું છે. હકીકતમાં, આ દેશની મહિલાઓની ક્ષમતાનું પ્રદર્શન છે કારણ કે જીતેલા મેડલમાંથી અડધાથી વધુ મેડલ મહિલા ખેલાડીઓએ જીત્યા છે.