બેંગકોકમાં એશિયન તીરંદાજી ચેમ્પિયનશિપમાં ભારતે 3 ગોલ્ડ સહિત 7 મેડલ જીત્યા 

ભારતે બેંગકોકમાં એશિયન તીરંદાજી ચેમ્પિયનશિપમાં 3 ગોલ્ડ, 1 સિલ્વર અને 3 બ્રોન્ઝ મેડલ સાથે કુલ 7 મેડલ જીતીને તેના અભિયાનનો અંત કર્યો. ચેમ્પિયનશિપના છેલ્લા દિવસે ભારતે કમ્પાઉન્ડ ઈવેન્ટમાં 3 ગોલ્ડ સહિત 5 મેડલ જીત્યા હતા.

મહિલા ટીમની સ્પર્ધામાં જ્યોતિ સુરેખા વેનમ, પ્રનીત કૌર અને અદિતિ ગોપીચંદ સ્વામીએ ચાઈનીઝ તાઈપેઈની ટીમ સામે રોમાંચક વિજય નોંધાવીને ગોલ્ડ મેડલ જીત્યો હતો. પ્રણિત કૌરે પણ મહિલા સિંગલ્સમાં તેની દેશબંધુ જ્યોતિ સુરેખા વેનમને હરાવીને ગોલ્ડ મેડલ જીત્યો હતો.

ભારતે મિક્સ્ડ ટીમ ઈવેન્ટમાં દિવસનો બીજો ગોલ્ડ મેડલ જીત્યો. અદિતિ ગોપીચંદ સ્વામી અને પ્રિયાંશની જોડીએ ફાઇનલમાં થાઇલેન્ડને હરાવીને ગોલ્ડ મેડલ જીત્યો હતો. એશિયન તીરંદાજી ચેમ્પિયનશિપ બાદ આજથી એશિયન વ્યક્તિગત ઓલિમ્પિક ક્વોલિફાયર મેચો બેંગકોકમાં રમાશે.