ભારતનો ન્યૂઝીલેન્ડ સામે 48 રને વિજય: અભિષેક શર્માની વિસ્ફોટક બેટિંગ સાથે વર્લ્ડ રેકોર્ડ

ભારતનો ન્યૂઝીલેન્ડ સામે 48 રને વિજય: અભિષેક શર્માની વિસ્ફોટક બેટિંગ સાથે વર્લ્ડ રેકોર્ડ

નાગપુરમાં રમાયેલી ન્યુઝીલેન્ડ સામેની પ્રથમ T20 મેચમાં ભારતે 48 રને શાનદાર વિજય મેળવી પાંચ મેચની શ્રેણીમાં 1-0ની લીડ મેળવી લીધી છે. ટોસ હારીને પ્રથમ બેટિંગ કરવા ઉતરેલી ભારતીય ટીમે અભિષેક શર્માની માત્ર 35 બોલમાં 84 રનની (8 સિક્સર, 5 ફોર) તોફાની ઇનિંગ અને રિંકુ સિંહના અણનમ 44 રનની મદદથી 20 ઓવરમાં 7 વિકેટે 238 રનનો વિશાળ સ્કોર બનાવ્યો હતો, જે ન્યુઝીલેન્ડ સામે ભારતનો સર્વોચ્ચ T20 સ્કોર છે. 

આ ઇનિંગ દરમિયાન અભિષેક શર્માએ T20 ક્રિકેટમાં સૌથી ઝડપી 5,000 રન (સ્ટ્રાઈક રેટના આધારે) પૂરા કરવાનો અને 25થી ઓછા બોલમાં સૌથી વધુ 8 વખત અડધી સદી ફટકારવાનો વર્લ્ડ રેકોર્ડ પણ પોતાના નામે કર્યો હતો. જવાબમાં ન્યુઝીલેન્ડની ટીમ 20 ઓવરમાં 7 વિકેટે 190 રન જ બનાવી શકી હતી, જેમાં ગ્લેન ફિલિપ્સે સૌથી વધુ 78 રન બનાવ્યા હતા. ભારત તરફથી વરુણ ચક્રવર્તી અને શિવમ દુબેએ 2-2 વિકેટ ઝડપી હતી, જ્યારે અર્શદીપ સિંહ અને હાર્દિક પંડ્યાએ પણ શરૂઆતી સફળતા અપાવી જીતમાં મહત્વનું યોગદાન આપ્યું હતું.