ભારતે T20 સીરિઝની ત્રીજી મેચમાં અફઘાનિસ્તાનને હરાવીને સીરિઝ પર 3-0થી વિજય મેળવ્યો

મેચમાં 20-20 ઓવર પછી બંને ટીમો 212 રન બનાવી શકી હતી.

ભારતે અફઘાનિસ્તાન સામેની ત્રણ T20  મેચની સીરિઝની ત્રીજી મેચમાં અફઘાનિસ્તાનને હરાવીને શ્રેણી પર વિજય મેળવ્યો છે. બેંગલુરુના એમ.ચિન્નાસ્વામી સ્ટેડિયમ ખાતે રમાયેલી આ મેચમાં બે સુપર ઓવર રમાઈ હતી. ટીમ ઇન્ડિયાએ આ સીરીઝ 3-0થી જીતી છે.

મેચમાં 20-20 ઓવર પછી બંને ટીમો 212 રન બનાવી શકી હતી. તે પછી સુપર ઓવરમાં બંને ટીમોએ 16-16 રન કર્યા હતા. ત્યારપછી ડબલ સુપર ઓવરમાં ભારતે બેટીંગ કરીને 11 રન બનાવ્યા હતા. જો કે તે પછી અફઘાનિસ્તાનની ટીમે 3 બોલમાં જ બે વિકેટ ગુમાવતા ભારતનો વિજય થયો હતો. ઈન્દોરમાં રમાયેલી બીજી મેચમાં ભારતે અફઘાનિસ્તાનને છ વિકેટે જ્યારે મોહાલીમાં રમાયેલી પ્રથમ મેચમાં છ વિકેટે હરાવ્યું હતું.