સર્બિયાઇ ટેનિસ સ્ટાર નોવાક જોકોવિચે જીત્યું ફ્રેચ ઓપનનું ટાઇટલ

સૌથી વધુ ગ્રાંડ સ્લેમ જીતવાનો નવો રેકોર્ડ બનાવીને ઇતિહાસ રચ્યો

ફ્રેંચ ઓપન 2023ના ફાઇનલમાં સર્બિયાઇ  ટેનીસ સ્ટાર નોવાક જોકોવિચે નોર્વેના કૈસ્પર રૃડને  તમામ ત્રણ સેટમાં 7-6, 6-3 અને  7-5થી હાર આપીને શાનદાર જીત મેળવીને ફ્રેંચ ઓપન ટેનિસના ટાઇટલને પોતાના નામે કર્યું છે. આ સાથે જ તેમણે સૌથી વધુ ગ્રાંડ સ્લેમ જીતવાનો નવો રેકોર્ડ બનાવીને ઇતિહાસ રચ્યો છે.

અગાઉ આ રેકોર્ડ સ્પેનના ટેનીસ સ્ટાર  રાફેલ નડાલના નામે હતો. તેમણે ગ્રાંડ સ્લેમના 22 ટાઇટલ જીત્યા હતા. જોકોવિચે ત્રીજી વાર ફ્રેંચ ઓપનનું ટાઇટલ જીત્યું છે. હાલ વિશ્વના નંબર 3 પર રહેલા  જોકોવિચેની આ 34મી ગ્રાંડ સ્લેમ ફાઇનલ   મેચ હતી. તો જોકોવિચથી હારનાર કૈસ્પર રૃડ હજુ સુધી પોતાનું એકપણ ટાઇટલ પોતાના નામે કરી શક્યા નથી.