શેરબજાર સતત બીજાવાર લાલ નિશાનમાં ખુલ્યું, સેન્સેક્સ 300 પોઈન્ટથી વધુ તૂટ્યો

NSE ઉપર 1666 શેર લીલા નિશાનમાં ટ્રેડ થઈ રહ્યા છે

ભારતીય શેરબજાર આ ટ્રેડિંગ સપ્તાહમાં સતત બીજાવાર લાલ નિશાનમાં ખુલ્યું હતું. શરૂઆતના કારોબારમાં PSU બેંકો અને ફાર્મા સેક્ટરમાં વેચાણ જોવા મળ્યું હતું. BSE સેન્સેક્સ 311.88 પોઈન્ટ અથવા 0.39 ટકા ઘટીને 80,057.15 પર ટ્રેડ કરી રહ્યો છે. તે જ સમયે NSE નો નિફ્ટી 94.10 પોઈન્ટ અથવા 0.38 ટકાના ઘટાડા પછી 24,372.75 પર ટ્રેડ કરી રહ્યો છે.

NSE ઉપર 1666 શેર લીલા નિશાનમાં ટ્રેડ થઈ રહ્યા છે

ગઈકાલે બજારમાં તેજી જોવા મળી હતી. કારોબારના અંતે બેંક શેરોના જોરે બજાર ઉછળ્યું હતું. સેન્સેક્સ 363.99 પોઈન્ટ સાથે વધીને 80,369.03 પર બંધ રહ્યો હતો. નિફ્ટી 127.70 પોઈન્ટથી વધીને 24,466.85 ની સપાટી જોવા મળ્યો હતો. જોકે આજરોજ બજારનો ટ્રેન્ડ સકારાત્મક રહ્યો હતો. NSE ઉપર 1666 શેર લીલા નિશાનમાં ટ્રેડ થઈ રહ્યા છે, જ્યારે 586 શેર લાલ નિશાનમાં ટ્રેડ થઈ રહ્યા છે.

નિફ્ટી મિડકેપ 56,460.75 ના સ્તર પર કારોબાર કરી રહ્યો છે  

નિફ્ટી બેંક 430.40 પોઈન્ટ ઘટીને 52,890.30 ની સપાટી ઉપર છે. નિફ્ટી મિડકેપ 100 ઈન્ડેક્સ 209.45 પોઈન્ટના ઉછાળા બાદ 56,460.75 ના સ્તર પર કારોબાર કરી રહ્યો છે. તે જ સમયે નિફ્ટી સ્મોલકેપ 100 ઇન્ડેક્સ 156.40 પોઈન્ટના વધારા પછી 18,355.35 ની સપાટીએ પહોંચ્યો છે. સેન્સેક્સ પેકમાં મારુતિ, ઇન્ડસઇન્ડ બેન્ક, ટાટા મોટર્સ, TCS અને ITC ટોચના ગેનર હતા. જ્યારે સન ફાર્મા, બજાજ ફિનસર્વ, ટાઇટન, એચસીએલ ટેક, પાવરગ્રીડ અને એશિયન પેઈન્ટ્સ ટોપ લુઝર હતા. નિફ્ટી શ્રેણીમાં મારુતિ, બીઈએલ, ઈન્ડસઈન્ડ બેંક, ટાટા મોટર્સ અને બજાજ ઓટો ટોપ ગેઇનર હતા. જ્યારે, સિપ્લા, ડૉ. રેડ્ડીઝ, સન ફાર્મા, શ્રીરામ ફાઇનાન્સ, બજાજ ફિનસર્વ અને ટાઇટન શેર ટોપ લુઝર હતા.