ભારતીય રેલ્વે આ મહિનાની 21મી તારીખે ભારત ગૌરવ ટ્રેન નોર્થ ઈસ્ટ માટે શરૂ કરશે

ભારતીય રેલ્વે આ મહિનાની 21મી તારીખે ભારત ગૌરવ ટ્રેન નોર્થ ઈસ્ટ માટે શરૂ કરશે. એસી ડીલક્સ ભારત ગૌરવ ટ્રેન 15 દિવસમાં આસામ, અરુણાચલ પ્રદેશ, નાગાલેન્ડ, ત્રિપુરા અને મેઘાલયને આવરી લેશે, એમ ભારતીય રેલવેએ જણાવ્યું હતું.

નોર્થ ઈસ્ટ સર્કિટ માટેની થીમ "નોર્થ ઈસ્ટ ડિસ્કવરીઃ બિયોન્ડ ગુવાહાટી" છે. તેમાં કહેવામાં આવ્યું છે કે ભારત ગૌરવ ડીલક્સ ટૂરિસ્ટ ટ્રેન કે જે નવી દિલ્હી સફરદુર્જંગ રેલ્વે સ્ટેશનથી ઉપડવાની છે, તેમાં કુલ 156 પ્રવાસીઓ બેસી શકે છે અને તે એસી 1 અને એસી 2 ટાયર સાથે વાતાનુકૂલિત છે.

આ ટ્રેનનું પ્રથમ સ્ટોપ ગુવાહાટી છે જ્યાં પ્રવાસીઓ કામાખ્યા મંદિર અને ઉમાનંદ મંદિરની મુલાકાત લેશે.

કોવિડ-19 સામે સલામતીનાં પગલાં તરીકે, રેલ્વે મંત્રાલયે 18 કે તેથી વધુ વય જૂથના મહેમાનો માટે સંપૂર્ણ રસીકરણ ફરજિયાત બનાવ્યું છે. અન્ય તમામ બુકિંગ વિગતો IRCTC વેબ પોર્ટલ પર ઉપલબ્ધ છે.

ટિકિટની કિંમતની શ્રેણી AC 2 ટાયરમાં વ્યક્તિ દીઠ રૂ. 1,06,990 થી શરૂ થાય છે, AC 1 કેબિન માટે રૂ. 1,31,990 પ્રતિ વ્યક્તિ અને AC 1 કૂપ માટે રૂ. 1,49,290 પ્રતિ વ્યક્તિ છે.

આ ટિકિટમાં ટ્રેનની મુસાફરી, હોટેલમાં રોકાણ, તમામ શાકાહારી ભોજન, ટ્રાન્સફર ખર્ચ અને સંબંધિત શહેરોમાં જોવાલાયક સ્થળોનો સમાવેશ થાય છે અને મુસાફરી વીમો, અન્ય ખર્ચાઓનો સમાવેશ થાય છે. પ્રવાસીઓ પ્રવાસ માટે EMI ચુકવણી વિકલ્પનો પણ લાભ લઈ શકે છે, કારણ કે IRCTC એ PayTm અને Razorpay પેમેન્ટ ગેટવે સાથે ભાગીદારી કરી છે.

દિલ્હી, ગાઝિયાબાદ, અલીગઢ, ટુંડલા, ઈટાવા, કાનપુર, લખનૌ અને વારાણસીથી બોર્ડિંગ અને ડી-બોર્ડિંગની મંજૂરી આપવામાં આવશે.

ભારતીય રેલ્વેએ ભારતીય પ્રવાસનને વેગ આપવા અને વિશ્વભરના પ્રવાસીઓને આકર્ષવા માટે 2021માં ભારત ગૌરવ યોજના શરૂ કરી હતી. આ યોજના "થીમ-આધારિત" ટ્રેન સેવાઓને પ્રોત્સાહન આપે છે જે ખાનગી ખેલાડીઓ દ્વારા ચલાવવામાં આવશે.