શ્રદ્ધા કપૂર અને રાજકુમાર રાવની ફિલ્મ 'સ્ત્રી-2'ની કમાણી બોક્સ ઓફિસ પર 200 કરોડને પાર

શ્રદ્ધા કપૂર અને રાજકુમાર રાવની ફિલ્મ 'સ્ત્રી 2'એ શાનદાર ઓપનિંગ કરીને બોક્સ ઓફિસ પર ધૂમ મચાવી દીધી છે. આ ફિલ્મે તેની રિલીઝના પહેલા દિવસે ઘણા રેકોર્ડ તોડ્યા હતા અને હવે પાંચમા દિવસે પણ સારી કમાણી ચાલુ રાખી છે.

Sacknilk અનુસાર, 'સ્ત્રી 2' એ પાંચમા દિવસે એટલે કે સોમવારે 37 કરોડ રૂપિયાનો બિઝનેસ કર્યો, ત્યાર બાદ તેનું કુલ બોક્સ ઓફિસ કલેક્શન 228.45 કરોડ રૂપિયા થઈ ગયું છે. આ ફિલ્મે પેઇડ પ્રિવ્યુ દ્વારા 8.35 કરોડ રૂપિયાની કમાણી કરી હતી. 'સ્ત્રી 2' એ ગુરુવારે ભારતમાં તેના પ્રથમ દિવસે 60.3 કરોડ રૂપિયાનું કલેક્શન કર્યું હતું. ફિલ્મે પહેલા દિવસે જંગી કમાણી કરી હતી અને 2023માં 'એનિમલ' અને 'પઠાણ'ની પહેલા દિવસની કમાણીને પાછળ છોડી દીધી હતી. બીજા દિવસે ફિલ્મે 31.4 કરોડની કમાણી કરી હતી. ત્રીજા દિવસે ફિલ્મ 43.85 કરોડનો બિઝનેસ કરવામાં સફળ રહી હતી. ચોથા દિવસે 55 કરોડનો બિઝનેસ કર્યો.

'સ્ત્રી'ના છ વર્ષ પછી 'સ્ત્રી 2' આવી

આ ફિલ્મમાં શ્રદ્ધા કપૂર, રાજકુમાર રાવ, અપારશક્તિ ખુરાના, અભિષેક બેનર્જી અને પંકજ ત્રિપાઠી મુખ્ય ભૂમિકામાં છે. 'સ્ત્રી' 2018માં રિલીઝ થઈ હતી, છ વર્ષ પછી 'સ્ત્રી 2' રિલીઝ થઈ હતી અને ફિલ્મને દર્શકોનો સારો પ્રતિસાદ મળી રહ્યો છે.