કચ્છમાં સર્જાયો ગોઝારો અકસ્માત,પાંચ લોકોના ઘટના સ્થળે મોત અનેક લોકો ઘાયલ

પશ્ચિમ કચ્છના કેરા મુન્દ્રા રોડ પર ગમખ્વાર અકસ્માત સર્જાયો હતો.ખાનગી બસ અને ટ્રક વચ્ચે સર્જાયેલ અકસ્માતમાં પાંચ લોકોનું ઘટના સ્થળે મૃત્યુ નીપજ્યું છે. સાથે જ અનેક મુસાફરો ઘાયલ થયા છે જેમને  ભુજની જી.કે. જનરલ હોસ્પિટલમાં સારવાર અર્થે ખસેડવામાં આવ્યા છે.... ઘટના સ્થળે પોલીસ અને વહીવટી તંત્ર દ્વારા કાર્યવાહી કરવામાં આવી રહી છે. મુખ્યમંત્રી ભુપેન્દ્ર પટેલે આ દુર્ઘટનામાં જીવ ગુમાવનાર મૃતકોને શ્રદ્ધાંજલિ અર્પણ કરી હતી.સાથે જ ઈજાગ્રસ્તો ઝડપી સાજા થાય તે અંગે પ્રાર્થના કરી હતી..

પશ્ચિમ કચ્છના કેરા મુન્દ્રા રોડ પર ગમખ્વાર અકસ્માત સર્જાયો હતો.ખાનગી બસ અને ટ્રક વચ્ચે સર્જાયેલ અકસ્માતમાં પાંચ લોકોનું ઘટના સ્થળે મૃત્યુ નીપજ્યું છે. સાથે જ અનેક મુસાફરો ઘાયલ થયા છે જેમને  ભુજની જી.કે. જનરલ હોસ્પિટલમાં સારવાર અર્થે ખસેડવામાં આવ્યા છે.... ઘટના સ્થળે પોલીસ અને વહીવટી તંત્ર દ્વારા કાર્યવાહી કરવામાં આવી રહી છે. મુખ્યમંત્રી ભુપેન્દ્ર પટેલે આ દુર્ઘટનામાં જીવ ગુમાવનાર મૃતકોને શ્રદ્ધાંજલિ અર્પણ કરી હતી.સાથે જ ઈજાગ્રસ્તો ઝડપી સાજા થાય તે અંગે પ્રાર્થના કરી હતી..

પ્રાપ્ત માહિતી અનુસાર, ભુજ પાસે આવેલા માનકુવાના મુન્દ્રા – કેરા રોડ ઉપર બાબીયા ગામ પાસે એક ખાનગી બસ અને ટ્રેલર વચ્ચે ટક્કર થવાને લીધે ગમખ્વાર અકસ્માત સર્જાયો હતો. અકસ્માત બાદ ખાનગી બસનો કુચ્ચો વળી ગયો હતો ત્યાં જ બસમાં સવાર લોકોના શરીરના અંગો રસ્તા પર વેરાયેલા જોવા મળ્યા હતા.હાલમાં પાંચથી વધુ લોકોના મોતના સમાચાર સામે આવી રહ્યા તો આ મૃત્યુઆંકની સંખ્યા વધી પણ શકે છે. હાલમાં પોલીસ અને વહીવટી તંત્ર દ્વારા તાબડતોડ કાર્યવાહી કરવામાં આવી રહી છે.

બપોરના સમયે આ અકસ્માત થયો હતો. એક કન્ટેનર દ્વારા ઓવરટેક કરવા જતાં મિની બસ સાથે ટકરાયું હતું. જેમાં બસનો આગળનો ભાગ ભાંગીને ભૂકો થઈ ગયો હતો.અકસ્માતની જાણ થતાં જ પોલીસ અને એમ્બ્યુલન્સ ઘટનાસ્થળે પહોંચ્યા છે. ઈજાગ્રસ્તોને તાત્કાલિક ધોરણે હોસ્પિટલ ખસેડવામાં આવ્યા છે. પોલીસે સમગ્ર મામલે વધુ તપાસ હાથ ધરી છે. આ મિની બસ ભુજથી મુંદ્રા તરફ જઇ રહી હતી ત્યારે આ અકસ્માત સર્જાયો હતો. ઘટનાની જાણ થતાં જ તંત્રમાં દોડધામ મચી ગઈ હતી અને ઉતાવળે 108 પણ પહોંચી ગઇ હતી. ઘાયલોને સ્થાનિક હોસ્પિટલમાં ખસેડવામાં આવ્યા હતા જ્યાં લોકોના ટોળા ઉમટી પડ્યા હતા.