ચોમાસાની ઋતુમાં વિજયનગરના પોળોના જંગલોમાં પ્રકૃતિની ભેટ સોળે કળાએ ખીલી ઉઠી

હાલ ચોમાસાની મોસમ ચાલી રહી છે. મેઘરાજા મન મુકીને વરસી રહ્યા છે. ત્યારે વિજયનગરના પોળોના જંગલોમાં પ્રકૃતિની ભેટ સોળે કળાએ ખીલી ઉઠી છે . પોળોના જંગલોએ  કુદરતી લીલી ચાદર ઓઢી લીધી છે. નદી, ઝરણાં અને ધોધ વહી રહ્યા છે. સાતમ-આઠમના તહેવારોને કારણે સાબરકાંઠા જીલ્લાના વિજયનગરના પોળોમાં સહેલાણીઓ મજા માણવા ઉમટી રહ્યા છે. શનિવાર અને રવિવારે  નાગરીકો દૂરદૂરના અંતરેથી પ્રકૃતિના ખોળે મજા માણવા આવતા હોય છે. આ સ્થાનને સરકારે પ્રવાસન ધામ જાહેર કરતાં પર્યટકો સરકારનો આભાર માની રહ્યા  છે.  પ્રવાસીઓ ઈ-રીક્ષાની પણ મજા લઈ રહ્યા છે. પ્રવાસીઓ માટે અહીં હોટેલ, ખાણી-પીણીની લારીઓની પણ વ્યવસ્થા હોવાથી સાદુ ભોજન, કાકડી, મકાઈના ડોડા તેમજ નુડલ્સની મજા માણી રહ્યા છે.