ડોનાલ્ડ ટ્રમ્પ પર ફરી એકવાર જીવલેણ હુમલાનો પ્રયાસ, માંડ-માંડ બચ્યા અમેરિકાના પૂર્વ રાષ્ટ્રપતિ!

અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ ફ્લોરિડામાં ગોલ્ફ કોર્સમાંથી બહાર નીકળી રહ્યા હતા. આ દરમિયાન ફાયરિંગ થયું હતું. જોકે, પૂર્વ રાષ્ટ્રપતિ ટ્રમ્પ સુરક્ષિત છે. સિક્રેટ સર્વિસ આ મામલે તપાસ કરી રહી છે. ટ્રમ્પના પ્રવક્તા સ્ટીવન ચ્યુંગે કહ્યું કે, પૂર્વ રાષ્ટ્રપતિ ટ્રમ્પ તેમની આસપાસ ગોળીબાર બાદ સુરક્ષિત છે. જો કે આ મામલે હજુ વધુ માહિતીની રાહ જોવાઈ રહી છે.

અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ પર ફરી એકવાર જીવલેણ હુમલો થયો છે. ડોનાલ્ડ ટ્રમ્પ ફ્લોરિડામાં ટ્રમ્પ ગોલ્ફ કોર્સ નજીક હત્યાના બીજા પ્રયાસમાં બચી ગયા.

ચૂંટણી રેલીમાં ગોળી માર્યાના બે મહિના પછી, પૂર્વ યુએસ પ્રમુખ ડોનાલ્ડ ટ્રમ્પે રવિવારે ફ્લોરિડામાં ગોલ્ફ રમતી વખતે બીજી હત્યાના પ્રયાસનો સામનો કરવો પડ્યો.

રિપબ્લિકન પ્રમુખપદના ઉમેદવારે કહ્યું કે ગોળીબાર પછી તે એકદમ "સુરક્ષિત અને સ્વસ્થ" છે.

એક ઈમેલમાં ટ્રમ્પે લખ્યું કે, "મારી ચારે બાજુ ગોળીબાર થઈ રહ્યો હતો, પરંતુ અફવાઓ કાબૂમાંથી બહાર નીકળે તે પહેલાં, હું ઈચ્છું છું કે તમે પહેલા આ સાંભળો: હું સુરક્ષિત અને સ્વસ્થ છું!"